Gata umpama bungong istana
Nyang timoeh didalam taman raja
Han mungken hai dek bungong lon ceugot
Pane trok lot cet reunoeng lon sideupa
Gata hai dek aneuk bangsawan
Sedangkan lon sidroe ureueng nyang hina
Han mungken sabe cipe ngen pingan
Tanyoe dua hai dek han sabe padra
Ulon nyoe aneuk ureung meulaot
Sagai han patot keu judo gata
Jinoe kon jameun siti nurbaya
Hudep hana sep le dengon cinta
Bekle hai adek lon nyoe takawot
Singoh lon takoet gata keucewa
Ringget meutaloe pawoen meucilop
Dilon han sanggop lon jak ba peuha
Pageu manyang han leupah lon grop
Pinto roet teutop meurante baja
Hanjet lon tamong payah lon surot
Cinta meusangkot bak binteh kaca manok Li.
