Facebook digər insanların şərhlərinə neqativ münasibət bildirmək imkanı yaradan yeni “downvote” düyməsini test edir.
Bir müddət bundan əvvəl bəzi sosial şəbəkə istifadəçiləri Facebook qrupları paylaşımlarında bu yeni düyməyə rast gəliblər. “Facebook” isə bu xəbərlərin yayılmasından sonra bildirib ki, dislike düyməsi üzərində çalışmır. “Biz ictimai səhifələrin paylaşımlarında olan şərhlərin qiymətləndirilməsinə imkan yaradan funksiyanı müşahidə edirik. Bu test düyməsi yalnız ABŞ-da kiçik istifadəçi kütləsi vasitəsilə aparılır” – deyə şirkət bildirib. Downvote düyməsi hansısa paylaşımda olan bu və ya digər şərhin aşağı düşməsi üçün istifadə olunur. Nəticə olaraq istifadəçilər onları çox az ehtimalda görəcəklər. Bu yeni downvote funksiyası sosial şəbəkədə təhqir, trolling və s. kimi özəlliklərlə mübarizə aparmaq üçün düşünülüb.