Əgər düşünürsünüz ki, ancaq smartfonlar və power bank-lar partlamaq xüsusiyyətinə sahibdirlər, onda sizi təəccübləndirək.
Belə ki, hər bir texnologiya partlaya bilər. Hətta naqilsiz olan Apple AirPods qulaqcıqları da. Floridadan olan Jason Colon isimli şəxs idmanla məşğul olarkən Apple AirPods ilə musiqi dinləyirdi. Bir anın içində qulaqcıqlar niyəsə çalışmamağa başladılar. Onlardan biri isə tüstüləməyə başladı. Nəyinsə düzgün getmədiyini anlayan Jason qulaqcıqlarını yerə qoyaraq kömək ardıyca gedib. Qayıdanda isə o görüb ki, qulaqcıqlardan biri yanıb və ərimiş plastikə çevrilib. Həmin anda Jason başa düşüb ki, onun qulaqları necə böyük təhlükə ilə üz-üzə qalıbmış. Zərərçəkmiş bu hadisədə qulaqcıqların batareyalarını günahlandırıb.