Volvo នឹងផលិតរថយន្តបើកបរដោយខ្លួនឯងរាប់ម៉ឺនគ្រឿងឱ្យ Uber នៅឆ្នាំ ២០១៩ ខាងមុខ
ក្រុមហ៊ុនផលិតរថយន្តស៊ុយអែត Volvo និយាយក្នុងសេចក្តីថ្លែងការណ៍ថាខ្លួននឹងផ្គត់ផ្គង់ Uber នូវរថយន្តបើកបរដោយខ្លួនឯងនៅឆ្នាំ ២០១៩ និង ២០២១ ខាងមុខ។
<figure>
<figcaption>Uber ដែលនឹងបំពាក់លើរថយន្តបើកបរខ្លួនឯង</figcaption></figure>
Volvo ដែលបច្ចុប្បន្នគ្រប់គ្រងដោយក្រុមហ៊ុនរថយន្តចិន Geely ឱ្យដឹងកាលពីថ្ងៃចន្ទថា ខ្លួនបានចុះកិច្ចព្រមព្រៀងមួយដើម្បីផលិតរថយន្តបើកបរស្វ័យប្រវត្តិ ចំនួន ២៤ ០០០ គ្រឿង ទៅឱ្យក្រុមហ៊ុនដឹកជញ្ជូនអាមេរិក Uber ។ ដោយឡែក Uber នឹងបន្ថែមប្រព័ន្ធសូហ្វវែរបស់ខ្លួនដើម្បីភ្ជាប់រថយន្តទៅនឹងការបើកបរដោយគ្មានអ្នកកាន់ដៃចង្កូត។
ក្រុមហ៊ុន Volvo និងក្រុមហ៊ុន Uber សុទ្ធតែមិនបានបង្ហាញពីតម្លៃនៃកិច្ចព្រមព្រៀងលើការផលិតរថយន្តនោះទេតែផ្អែកលើបញ្ជីតម្លៃរថយន្តកិច្ចព្រមព្រៀងអាចមានតម្លៃច្រើនជាង ១ ប៊ីលានដុល្លារ ឯណោះ។ នាយកប្រតិបត្តិរបស់ Volvo លោក Hakan Samuelsson ប្រាប់ការសែតស៊ុយអែត Dagens Industri ថា កិច្ចព្រមព្រៀងនេះបើកផ្លូវឱ្យមានផ្នែកអាជីវកម្មថ្មីសម្រាប់ពួកយើង។
ជាងនេះទៀត ក្រុមវិស្វកររបស់ Volvo កំពុងធ្វើការយ៉ាងមាមាញឹកជាមួយក្រុមវិស្វករមកពី Uber ដើម្បីផលិតរថយន្តប្រភេទ suv ប្រណីតម៉ូដែល XC90 ផងដែរ៕
<figure>
<figcaption>ក្រុមហ៊ុន Volvo</figcaption></figure>
<figure>
<figcaption>រូបភាព៖ Reuters</figcaption></figure>
Source news.sabay.com.kh
Posted from my blog with SteemPress : http://khmernewsshare.com/archives/7033