This post is from a low-reputation account and contains an unverified outbound link. Be cautious before clicking external links.

ល្ងាចនេះ U19 កម្ពុជា ប៉ះ U19 ចិនដែលមានកីឡាករលេងលីគកំពូលចិន

asaran(7)

Published in

#steempress

Words

123

Reading

1 min

Listen to this post

~1 min

ក្រុមបាល់ទាត់កម្ពុជាអាយុក្រោម១៩ឆ្នាំត្រូវតទល់នឹងក្រុមខ្លាំងយុវជនចិនអាយុក្រោម១៩ឆ្នាំវេលាម៉ោង៦:៣០នាទីល្ងាចថ្ងៃទី២៤ តុលានេះនៅពហុកីឡដ្ឋានជាតិសម្រាប់វគ្គសន្សំពិន្ទុពូល G ពាន AFC U19 Championship នៅកម្ពុជា។

លោក Inoue Kazunori U19 កម្ពុជា
<figure>
</figure>
ច្បាស់ជាការប្រកួតដ៏តឹងតែងសម្រាប់ក្រុមយុវជនកម្ពុជាដែលប៉ះក្រុមខ្លាំងនៅតំបន់អាស៊ី ប៉ុន្តែក៏មិនបណ្តោយឲ្យក្រុមខ្លាំងក្រឡុកតាមចិត្តឡើយ។ លោក Inoue Kazunori គ្រូបង្វឹកក្រុមបាល់ទាត់ U19 កម្ពុជាបាននិយាយថា មុនការប្រកួតនេះមកដល់ ក្រុមរបស់លោកបានអភិវឌ្ឍច្រើន ជាពិសេសផ្នែកបច្ចេកទេស និងស្មារតីដែលជាកត្តាដ៏សំខាន់ក្រុមទាំងមូល។ លោកសង្ឃឹមថា កម្ពុជានឹងធ្វើបានល្អ។

លោក Jia Xiuquan គ្រូ U19 ចិន
<figure>
</figure>
លោក Jia Xiuquan គ្រូបង្វឹកយុវជនជម្រើសជាតិចិនអាយុក្រោម១៩ឆ្នាំបានថា លោកមិនដឹងច្រើនអំពីសមត្ថភាពរបស់ម្ចាស់ផ្ទះ U19 កម្ពុជាឡើយ ដូច្នេះក្រុមរបស់លោកមិនត្រូវធ្វេសប្រហែសទេ។ ការប្រកួតនេះ ក្រុមរបស់លោកពិតជារៀបចំបានល្អមុនពេលធ្វើដំណើរមកដល់ទឹកដីកម្ពុជា។ កីឡាកររបស់លោកមានឆន្ទៈក្នុងការស្វែងរកជ័យជម្នះ និងមានសង្ឃឹមខ្ពស់ក្នុងការឆ្លងផុតពូល។

ជើងកីឡាករកម្ពុជា
<figure>
</figure>
ក្រុមយុវជនកម្ពុជាភាគច្រើនជាកីឡាករដែលមានអាយុមិនដល់១៩ឆ្នាំ។ កីឡាករភាគច្រើនមានបទពិសោធតិចក្នុងព្រឹត្តិការណ៍ធំៗ។ ខ្សែបម្រើការពារ សឿត បារាំង ជាកីឡាករតែម្នាក់គត់ដែលមានបទពិសោធន៍ច្រើនជាងគេទាំងកម្រិតលីគកំពូលកម្ពុជា និងលេងឲ្យជម្រើសជាតិក្រុមធំ។ អ្នកចាំទី ជា វណ្ណសាក់ ទើបឈ្នះពានអ្នកចាំទីឆ្នើមពីលីគកម្ពុជាទី២ ប៉ុន្តែមានបទពិសោធន៍តិច ខណៈខ្សែប្រយុទ្ធ សៀង ចន្ធា ទើបឈ្នះពានកីឡាករល្អពីលីគទី២។ សេត ម៉ាន់ស៊ូត ស៊ីន កក្កដា និងទៀត គឹមហេង ក៏សុទ្ធតែមានបទពិសោធតិច។

ជើងកីឡាករចិន
<figure>
</figure>
យុវជនចិនជាក្រុមដែលមានកម្រិតសមត្ថភាពលើកម្ពុជាទាំងបទពិសោធន៍ បច្ចេកទេស និងកាយសម្បទា។ ឆ្នាំ២០១៧នេះយុវជនចិនមានបទពិសោធច្រើនលើឆាកអន្តរជាតិដូចជាប៉ះយុវជនកូរ៉េខាងត្បូង យុវជនជប៉ុន អូម៉ង់ និងតាហ្ស៊ីគីស្ថានជាដើម។ អ្វីដែលគួរឲ្យចាប់អារម្មណ៍នោះគឺមានកីឡាករមួយចំនួនលេងនៅលីគកំពូលចិនដូចជា Li Weijie អាយុ១៧ឆ្នាំអ្នកចាំទីរបស់ Guangzhou Evergrande, ខ្សែបម្រើ Liu Ruofan អាយុ១៨ឆ្នាំលេងនៅ Shanghai Senhua F.C, ខ្សែប្រយុទ្ធ Guo Tianyu អាយុ១៨ឆ្នាំលេងនៅ Shandong Luneng៕