Mercedes ប្រមូលរថយន្តជិតកន្លះលានគ្រឿង ជុំវិញបញ្ហាពោងសុវត្ថិភាព
ក្រុមហ៊ុន Mercedes-Benz និយាយកាលពីថ្ងៃចន្ទម្សិលមិញថា ខ្លួនកំពុងប្រមូលរថយន្តចំនួន ៤០០ ០០០ គ្រឿង ទូទាំងចក្រភពអង់គ្លេស ដោយសារមានបញ្ហាពោងសុវត្ថិភាព។
<figure>
</figure>
Mercedes-Benz ដែលគ្រប់គ្រងដោយក្រុមហ៊ុនមេ Daimler បានលើកក្នុងសេចក្តីប្រកាសថា បញ្ហាពោងសុវត្ថិភាពនេះមិនពាក់ព័ន្ធនឹងវិបត្តិពោងសុវត្ថិភាពនៅឯក្រុមហ៊ុនជប៉ុន Takata នោះទេ ។
ក្រុមហ៊ុន Mercedes-Benz នឹងប្រមូលរថយន្តម៉ូដែល A, B, C, E, CLA, GLA និងម៉ូដែល GLC ដែលផលិតចន្លោះខែវិច្ឆិកា ២០១១ និងខែកក្កដា ២០១៧។
<figure>
<figcaption>រូបតំណាង</figcaption></figure>
ក្នុងសេចក្តីថ្លែងការណ៍ដដែល មិនបានបញ្ជាក់ឱ្យច្បាស់ពីចំនួនរថយន្តនឹងត្រូវហៅមកវិញទេ តែក្រោយមកក្រុមហ៊ុនអះអាងថា រថយន្តចំនួន ៤០០ ០០០ គ្រឿង មានបញ្ហា។
ក្រុមហ៊ុនបញ្ជាក់ថា សញ្ញាប្រកាសអាសន្នពីពោងសុវត្ថិភាព ខុសបច្ចេកទេសដំណើរការមិនប្រក្រតី។ យ៉ាងណាមិញរថយន្តដែលហៅត្រឡប់មកវិញ នឹងផ្តល់ការជួសជុលមិនគិតថ្លៃឡើយ៕
Posted from my blog with SteemPress : http://khmernewsshare.com/archives/4597