កាលពីថ្ងៃអង្គារសប្ដាហ៍កន្លងទៅ អ្នកជំនាញខាងរូបិយប័ណ្ណ Crypto ឈ្មោះ Pavel Lerner ត្រូវបានជនប្រដាប់អាវុធចាប់យកទៅ នៅក្បែរការិយាល័យធ្វើការរបស់លោកក្នុងប្រទេសអ៊ុយក្រែន។
<figure>
</figure>
វាជាករណីចាប់ជំរិតមួយ ដែលមិនយកសាច់ប្រាក់មកធ្វើជាថ្នូរនោះទេ ផ្ទុយទៅវិញក្រុមចាប់ជំរិតបានទាមទារយក Bitcoin ដែលមានតម្លៃស្មើ ១ លានដុល្លារ។ ករណីនេះសបញ្ជាក់ថាការលើកឡើងរបស់មេធាវី Cyrus Vance គឺត្រឹមត្រូវ ពេលដែលលោកនិយាយថានឹងមានករណីឧក្រិដ្ឋកម្មទាក់ទងនឹងរូបិយប័ណ្ណ Crypto។
លោក Lerner បានក្លាយជាគោលដៅដ៏សំខាន់មួយសម្រាប់ក្រុមចាប់ជំរិត ដោយសារគាត់ជាអ្នកជំនាញផ្នែក Bitcoin ដ៏ល្បីឈ្មោះមួយរូបនៅអ៊ុយក្រែន និងជានាយកជាន់ខ្ពស់មួយរូបនៃក្រុមហ៊ុនដោះដូររូបិយប័ណ្ណ Cryopto ផងដែរ។ ជាសំណាងលោក Lerner ត្រូវបានគេដោះលែងមកវិញនៅប៉ុន្មានថ្ងៃបន្ទាប់ ក្រោយពីបានព្រមព្រាងជាមួយក្រុមជនល្មើសរួច៕
