ផ្អែកតាមការទស្សន៍ទាយពីក្រុមអ្នកវិភាគ MKM Partners ឲ្យដឹងថា Alibaba នឹងទទួលបានតម្លៃទីផ្សារកើនដល់ ១ ទ្រីលាន (Trillion) ដុល្លារ មុនគូប្រជែងក្រុមហ៊ុនអាមេរិក Amazon។
មានក្រុមហ៊ុនបច្ចេកវិទ្យា ៥ ដែលគេសម្លឹងឃើញមានការប្រកួតប្រជែងខ្ពស់បំផុតដូចជា Apple បច្ចុប្បន្នមានតម្លៃទីផ្សារ ៨៧០ ប៊ីលានដុល្លារ, Microsoft មាន ៦៦០ ប៊ីលានដុល្លារ និង Alibaba នៅក្រោយគេមានត្រឹម ៤៤០ ប៊ីលានដុល្លារ។
<figure>
</figure>
ផ្អែកតាមការវាយតម្លៃក្រុមហ៊ុនអាមេរិក Apple ពិតណាស់ដែលមានសំណាងស្គាល់ពាក្យ ទ្រីលានដុល្លារមុនគេបង្អស់ក្នុងពិភពលោកនៅអំឡុងឆ្នាំ ២០១៩ ប៉ុន្តែក្រុមហ៊ុនឯទៀតដូចជា Alibaba ក៏នឹងមានឱកាសកើនឡើងខ្ពស់ដំណាលគ្នា រហូតអាចប្រជែងគូសត្រូវ Amazon ឲ្យដួលនៅឆ្នាំ ២០២០។
ប្រភពដដែលបានកត់សម្គាល់ឃើញទីផ្សារពាណិជ្ជកម្មលើ Online ក្នុងប្រទេសចិន មានការកើនឡើងទ្វេដងធៀបនឹងសហរដ្ឋអាមេរិក ម្ល៉ោះតម្លៃក្នុងមួយភាគហ៊ុននៃ BABA អាចមានសង្ឃឹមខ្ពស់កើនឡើង ២០ ភាគរយក្នុងឆ្នាំ ២០១៨ មុនចំណូលកើនបាន ៤៥ ភាគរយក្នុងឆ្នាំ ២០១៩។
<figure>
</figure>
យ៉ាងណាមិញក្រុមហ៊ុនរបស់សេដ្ឋី Jack Ma ក្នុងថ្ងៃអនាគតក៏អាចប្រឈមនឹងហានិភ័យជាច្រើនដូចជាសមត្ថភាពនៃកំណើនផ្សព្វផ្សាយពាណិជ្ជកម្ម និងការត្រៀមខ្លួនទទួលការចំណាយលើសង្វាក់វិនិយោគអាជីវកម្មផ្សេងទៀតមាន Ant Financial និង Alicloud ជាដើម។
Posted from my blog with SteemPress : http://khmernewsshare.com/archives/9356