បុរសអាមេរិកកប់ឡានក្រុង ៤២ គ្រឿងធ្វើ ជាត្រង់សេ គេចពីគ្រោះថ្នាក់នុយក្លេអ៊ែរ
<figure>
</figure>
<figure>
<figcaption>លោក Bruce Beach និងទីតាំងត្រង់សេរបស់លោក។ ហ្វេសប៊ុក</figcaption></figure>
ក្រុងតូរ៉ុនតូ: ស្ថិតក្នុងភូមិ Horning' s Mills ដ៏ស្ងប់ស្ងាត់របស់កាណាដា ចម្ងាយប្រមាណ ១០០ គីឡូម៉ែត្រពីក្រុងតូរ៉ុនតូ គឺជាផ្ទៃដីជាង ៥ ម៉ឺនម៉ែត្រការ៉េរបស់លោកតា Bruce និងយាយ Jean Beach។
នៅផ្ទៃខាងលើ ទីធ្លាផ្ទះមានទិដ្ឋភាពមិនខុសពីផ្ទះនៅតំបន់ជនបទដទៃឡើយ តែស្ថិតនៅក្នុងដីក្រោមរុក្ខជាតិបៃតងទាំងនោះគឺជាលេណដ្ឋានគេចពីឥទ្ធិពលអាវុធនុយក្លេអ៊ែរដ៏ធំបំផុតនៅអាមេរិកខាងជើង «The Ark Two»។
ជម្រកការពារនុយក្លេអ៊ែររបស់លោក Bruce Beach មានបរិមាណ ៩៣០ ម៉ែត្រការ៉េ និងត្រូវបានសង់ឡើងពីរថយន្ដក្រុងចំណាស់ ៤២ គ្រឿងញាត់បេតុង និងកប់ក្រោមដីជម្រៅ ៤,២៦ ម៉ែត្រ។
The Ark Two ត្រូវបានឌីហ្សាញឡើងដើម្បីផ្ទុកមនុស្ស ៥០០ នាក់រយៈពេលជាច្រើនខែ និងបំពាក់ដោយបរិក្ខារសព្វបែបយ៉ាងសម្រាប់តម្រូវការចាំបាច់ចាប់ពីស្បៀងអាហារដ៏ច្រើនសន្ធឹកសន្ធាប់ អណ្ដូងទឹក ប្រព័ន្ធទឹក ម៉ាស៊ីនភ្លើង រហូតដល់កៅអីទន្ដពេទ្យ និងកន្លែងថែទាំសុខភាពថែមទៀតផង។
លោកតា Bruce Beach វ័យ ៨៣ ឆ្នាំ បានចាប់ផ្ដើមគម្រោងនេះក្នុងឆ្នាំ ១៩៨០ អំឡុងសង្គ្រាមត្រជាក់ ហើយការកសាងត្រង់សេនេះត្រូវបានបញ្ចប់ក្នុងឆ្នាំ ១៩៨២។
អតីតវិស្វករអគ្គិសនីរូបនេះបាននិយាយប្រាប់ the National Post ថា៖ «ខ្ញុំតែងតែធ្លាប់និយាយថា អវសានពិភពលោកនឹងមកដល់នៅរយៈពេល ២ ឆ្នាំទៀត...»៕
Posted from my blog with SteemPress : http://khmernewsshare.com/archives/6974