ត្បិតមិនសូវមានគេស្គាល់ តែកីឡាកររូបនេះ គឺជាកីឡាករវ័យក្មេងមានជាងគេលើលោក
Faiq Bolkiah បច្ចុប្បន្ន គឺជាកីឡាករបម្រុងរបស់ Leicester City តែតាមសាវតា លោកគឺក្មួយប្រុសបង្កើតរបស់ស្តេចស៊ុលតង់នៃប្រទេសប្រ៊ុយណេបច្ចុប្បន្ន។ ដោយសារតែបែបនេះ តាមរបាយការណ៍ រូបគេ គឺជាកីឡាករវ័យក្មេងមានបំផុតមួយលើពិភពលោក ដែលត្រូវគេជឿថាបានកាន់កាប់រថយន្ដចំនួន 2300 គ្រឿងមានទាំងម៉ាក Bentleys, Ferraris និង Rolls-Royces ។
<figure>
<figcaption>Faiq Bolkiah ជាប្រធានក្រុមជម្រើសជាតិ ប្រ៊ុយណេ</figcaption></figure>
បើទោះមានកំណើតចេញពីត្រកូលរាជវង្សនៃប្រទេសអ្នកមានស្តុកស្តម្ភ មកពីតំបន់ភូមិភាគអាស៊ីអាគ្នេយ៍ តែ Faiq Bolkiah សុខចិត្តទម្លាក់ចោលរឿងទាំងឡាយ ហើយបានទៅដល់ក្លឹបធំៗនៅអង់គ្លេសតាមក្ដីប្រាថ្នាចង់ក្លាយជាកីឡាករឆ្នើម ដោយគេធ្លាប់ជាកីឡាកររបស់ Southampton, Arsenal, Chelsea។
កីឡាករវ័យ១៩ឆ្នាំរូបនេះ ធ្លាប់បានចុះកិច្ចសន្យា២ឆ្នាំជាមួយ Chelsea មុនចេញទៅ Leicester City កាលពីខែធ្នូ ឆ្នាំ២០១៥។ បើតាមកុងត្រារយៈពេល៣ឆ្នាំ យុវជនរបស់ Leicester City រូបនេះ នឹងនៅជាមួយក្លឹបដល់ទៅខែធ្នូ ឆ្នាំ២០១៨នេះ។យ៉ាងណាក្ដី គេមិនទាន់បានចូលលេងពេញលេញឡើយ ពោលគឺមានឈ្មោះត្រឹមជាកីឡាករបម្រុងប៉ុណ្ណោះ។
<figure>
<figcaption>Rolls Royce របស់បងប្អូនជីដូនមួយ Faiq Bolkiah រស់នៅក្នុងជីវភាពខ្ពង់ខ្ពស់បំផុតក្នុងប្រទេសរបស់ពួកគេ</figcaption></figure>
វិលមកនិយាយអំពីឪពុករបស់ Faiq វិញ គឺព្រះអង្គម្ចាស់ Jefri Bolkiah ប្រភពខាងលើ បានរៀបរាប់ថាគឺជា playboy របស់រាជវង្សស៊ុលតង់ប្រទេសប្រ៊ុយណេ។ Jefri ចាយលុយដូចក្រដាស ដោយគិតត្រឹមរយៈពេល ១៥ឆ្នាំចុងក្រោយ លោកចាយអស់ប្រមាណ ១០ ប៊ីលានផោន (ប្រហែល ២០,៣៥ ប៊ីលានដុល្លារ) ឯណោះ។
<figure>
<figcaption>Faiq និង ឪពុកដែលជាព្រះអង្គម្ចាស់ Jefri Bolkiah</figcaption></figure>
ប្រភពខាងលើបន្តថា មានពេលមួយនោះ Jefri ចំណាយជាង ៤៧,៥ លានដុល្លារលើរថយន្ត នាឡិកា និង ប៊ិចធ្វើពីមាសពណ៌ស និង ចាយជាង ១,៣ លានដុល្លារផ្សេងទៀតលើកម្មវិធីជប់លៀងជាមួយនារីស្អាតៗ។
ខុសពីឪពុក Faiq បានប្តេជ្ញាថា នឹងគេចឲ្យផុតពីទ្រព្យសម្បត្តិដ៏ស្តុកស្តម្ភទាំងនោះ។ លោកបាននិយាយថា "ខ្ញុំចាំថា ខ្ញុំធ្លាប់លេងបាល់តាំងពីតូច ហើយតែងតែចូលចិត្តទៅក្រៅមានបាល់នៅជាប់នឹងជើង"។ ប្រភពខាងលើបន្ត៕
<figure>
</figure>
<figure>
<figcaption>រាជវាំងព្រះចៅស៊ុលតង់ ពោរពេញទៅដោយមាស</figcaption></figure>
Source news.sabay.com.kh
Posted from my blog with SteemPress : http://khmernewsshare.com/archives/9506