កុលសម្ព័ន្ធអាម៉ាហ្សូន ស្រវឹងរាល់ថ្ងៃ ព្រោះប្រពៃណីផឹកស្រាសែនទន្លេ
ក្រុងប្រស៊ីលីយ៉ា: ស្ថិតក្នុងព្រៃជ្រៅនៃតំបន់អាម៉ាហ្សូន វាដល់វេលាជាថ្មីទៀតហើយ នោះគឺ ម៉ោងផឹកស្រាបៀរ។
សមាជិកកុលសម្ព័ន្ធ Waiapi ដ៏តូច និងដាច់ស្រយាល ក្នុងតំបន់ព្រៃអាម៉ាហ្សូន ភាគខាងកើតប្រទេសប្រេស៊ីល បាននាំគ្នាលើកត្រឡោកឃ្លោកអកស្រាបិតខ្លួនឯងដែលពួកគេបានហៅថា កាស៊ីរី។
ស្រាមួយត្រឡោកដែលលើកម្ដងឲ្យដាច់ត្រូវបានដងចេញពីកន្លុកឈើសណ្ឋានដូចជាទូក ដោយមានរសជាតិជាស្រាបៀរ។
បុរសកុលសម្ព័ន្ធភូមិម៉ានីល ហា ស្លៀកពាក់ប៉ឹងក្រហម គំនូរសិល្បៈរាងកាយពណ៌ក្រហម និងខ្មៅ នឹងប្រែជាស្រវឹងតែវ៉ែភ្លាម។ ពិធីជប់លៀង ដែលចាប់ផ្ដើមក្រោយបាយថ្ងៃត្រង់ និងបន្ដដល់ពេលរាត្រី ត្រូវបានប្រារឰឡើងដើម្បីឧទ្ទិសថ្វាយដល់ដួងវិញ្ញាណទន្លេ ដែលទាមទារការគោរពប្រណិប័តន៍ខ្ជាប់ខ្ជួន។
ពេលធ្វើពិធីកាស៊ីរី ក៏មានតន្ដ្រីប្រគំអម។ បុរសជាច្រើននាក់លេងឧបករណ៍ខ្លុយឫស្សី អ្នកខ្លះច្រៀង និងអ្នកចូលប្ដូរវេនផ្លុំខ្លុយយក្សប្រវែង ៣ ម៉ែត្រ។
Japarupi Waiapi បាននិយាយថា៖ «យើងលេងខ្លុយ ដូច្នេះ វិញ្ញាណទន្លេ ស៊ូស៊ូរី នឹងរីករាយ និងមិនព្យាបាទមនុស្សពេលពួកគេហែលទឹកឡើយ។ ទន្លេមានសារៈសំខាន់ណាស់។ យើងត្រូវបានវាដើម្បីនេសាទ និងសម្អាតវត្ថុផ្សេង»។
<figure>
<figcaption>ស្ត្រីត្រូវដើរឆ្លងទន្លេ និងឡើងភ្នំដើម្បីប្រមូលមើមក្ដួចដំឡូង។ AFP</figcaption></figure>
កុលសម្ព័ន្ធ Waiapi រស់នៅដោយប្រមូលផល និងបរបាញ់ហើយជីវភាពគ្មានអគ្គិសនី ទូរស័ព្ទ រថយន្ដ ខោអាវច្រើនជាប់ខ្លួន ឬលុយកាក់ឡើយ។
យ៉ាងណាមិញ ពួកគេត្រូវតែខិតខំប្រឹងប្រែងខ្លាំងបំផុតដើម្បីរក្សាទំនៀមទម្លាប់ប្រពៃណីខ្លួន។ ស្ដ្រី ដែលជាអ្នកផឹកកាស៊ីរីតិចតួច គឺជាទទួលបន្ទុកផលិតគ្រឿងស្រវឹងនេះ។
កាស៊ីរី ត្រូវបានបិតចេញពីមើមក្ដួច ឬដំឡូងជ្វា រំលេចពណ៌លឿងស្រាលឬស្វាយខ្ចី។ ស្ដ្រីត្រូវដើរឆ្លងទន្លេ ឡើងភ្នំដោយស្ពាយកញ្ជើត្បាញពីស្លឹកដូងវែងសម្រាប់ដាក់មើមក្តួច។ មកដល់ភូមិវិញ ពួកគេដុះខាត់ ស្ងោរ សម្រិត ពូត ដុត បិត ក្នុងដំណាក់កាលជាច្រើនដើម្បីប្រែមើមក្ដួចទៅជាស្រា។
អេរីយ៉ាណា វៃអាមពី អាយុ ៤៨ ឆ្នាំ ដែលលែងខ្លួនអត់មានពាក់អាវ អ្នកស្រី និយាយថា៖ «យើងជាស្ដ្រីភេទ និងជាអ្នកប្រយុទ្ធតស៊ូរកមើមរុក្ខជាតិ»។
កាស៊ីរី មិនត្រឹមតែជាពិធីធ្វើឲ្យបុរសៗស្រវឹងនោះទេ ប៉ុន្ដែវាជាប្រពៃណីទប់ស្កាត់យុវជនធ្វើចំណាកស្រុកចេញទៅទីក្រុងទំនើបនានានៅប្រេស៊ីល។
Aka'upotye Waiapi អាយុ ៤៣ ឆ្នាំ ជាកូនប្រុសលោកមេភូមិ បាននិយាយថា៖ «បាត់បង់ស្រា កាស៊ីរី ដូចបាត់បង់វប្បធម៌»៕
<figure>
<figcaption>ទឹកត្រូវបានចាក់ចូលកន្លុកឈើដើម្បីបិតជាស្រាបៀរ។ AFP</figcaption></figure>
<figure>
<figcaption>បុរសកុលសម្ព័ន្ធផឹកស្រាដោយមួយត្រឡោកលើកដាច់ៗ។ AFP</figcaption></figure>
Posted from my blog with SteemPress : http://khmernewsshare.com/archives/6874