Meuseujid Raya Baiturrahman nakeuh meuseujid raya Aceh nyang na di Banda Aceh. Meuseujid nyoe phon that geupeudong bak jameuen Soleutan Eseukanda Muda. Na cit nyang kheun meuseujid nyoe ka away na yoh masa Keurajeuen Darussalam. Salang M. Yunus Jamil lam buku "Gerak Kebangkitan Aceh" geukheun meuseujid phon nyang na bak lokasi meuseujid raya jinoe nakeuh geupeudong bak thon 1205.
Meuseujid nyang na jinoe nakeuh kon atra aseuli le sabab ka jitet le Olanda bak thon 1873. Meuseujid atra jinoe nakeuh atra jipeugot le Olanda bak thon 1879 ateueh prentah Jeundran Karel van der Heijden.
