ମୋଦି ସରକାରଙ୍କ ନିଷ୍ପତି, ରେଲୱେ ଦୁଇଟି ପ୍ରକଳ୍ପ ସମେତ ପିଏମ ପୋଷଣ ଯୋଜନାକୁ ମଞ୍ଜୁରୀ
ନୂଆଦିଲ୍ଲୀ (ଏଟିଆର ବ୍ୟୁରୋ): ଦୁଇଟି ରେଳ ପ୍ରକଳ୍ପକୁ ଅନୁମୋଦନ କରିଛନ୍ତି କେନ୍ଦ୍ରସରକାର। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ କ୍ୟାବିନେଟ ବୈଠକ ଅନୁଷ୍ଠିତ ହୋଇଥିଲା। ଏହି ବ ବୈଠକ ପରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି କି ରତ୍ଲାମ ରେଳ ଲାଇନକୁ ଦ୍ୱିଗୁଣିତ କରିବାକୁ ଅନୁମୋଦନ କରାଯାଇଛି। ଏହା ଏକ ୧୩୩ କିଲୋମିଟର ଲମ୍ବା ମାର୍ଗ । ସେ କହିଛନ୍ତି ଯେ ନିମଚ ଏବଂ ରତ୍ଲାମ ଲାଇନ ଏପର୍ୟ୍ୟନ୍ତ ସିଙ୍ଗଲ ଲାଇନରେ ହୋଇ ରହିଛି । ଏହାର ଡବଲ ଲାଇନ ଲାଗି ଅନୁମୋଦନ କରାଯାଇଛି । ଏହାଦ୍ୱାରା ଚିତୋର ଏବଂ ଏହାର ଆଖପାଖର ଲୋକମାନେ ଉପକୃତ ହେବେ । ସେହିପରି ଗୁଜୁରାଟର ରାଜକୋଟ ଏବଂ କଲାନସର ୧୧୧ କିଲୋମିଟର ଲାଇନକୁ ମଧ୍ୟ ଦ୍ୱିଗୁଣିତ କରିବାକୁ ଅନୁମୋଦନ କରାଯାଇଛି। ତିନି ବର୍ଷ ମଧ୍ୟରେ କାମ ଶେଷ ହେବ ।
ଏହା ସହିତ ପ୍ରଧାନମନ୍ତ୍ରୀ ପୋଷଣ ଶକ୍ତି ନିର୍ମାଣ ଯୋଜନାକୁ ଅନୁମୋଦନ କରାଯାଇଛି। ଏହା ଅଧୀନରେ ସରକାରୀ ଏବଂ ସରକାରୀ ସହାୟକ ବିଦ୍ୟାଳୟରେ ପଢୁଥିବା ପିଲାଙ୍କୁ ମଧ୍ୟାହ୍ନ ଭୋଜନ ଦିଆଯିବ। ଏହାର ମୂଲ୍ୟ ଏକ ଲକ୍ଷ କୋଟିରୁ ଅଧିକ ହେବ। ମିଡ ଡେ ଭୋଜନ ଯୋଜନା ବିସ୍ତାର କରାଯିବ ବୋଲି ମୋଦୀ ସରକାର ନିଷ୍ପତ୍ତି ନେଇଛନ୍ତି। ଏହି ଯୋଜନା ବର୍ତ୍ତମାନ ପ୍ରଥମ ଶ୍ରେଣୀ ପରିବର୍ତ୍ତେ ନର୍ସରୀରୁ ଆରମ୍ଭ ହେବ । ଏହାର ନୂତନ ନାମ ହେବ ପିଏମ ପୋଷଣ ଶକ୍ତି ନିର୍ମାଣ ଯୋଜନା । ଏଥିରେ ପୁଷ୍ଟିକର ଖାଦ୍ୟ ଉପରେ ଅଧିକ ଗୁରୁତ୍ୱ ଦିଆଯିବ । ନର୍ସରୀ ଠାରୁ ଅଷ୍ଟମ ପର୍ୟ୍ୟନ୍ତ ପିଲାମାନଙ୍କ ପାଇଁ ଏକ ନୂତନ ଯୋଜନା ହେବ ।