Malaya 🎈

Masakit
Ang hirap makalimut sa nakaraan
Kahit maraming araw na ang nagdaan
Sa tuwing sasapit ang umaga ikaw lagi ang naaalala
Nahihirapan makatulog sa gabi
Dahil naaalala ko kung paano mo ako unang pinangiti.

Mali ba na maaala ko pa?
Mali ba na minahal kita ng sobra?
Siguro nga nagkamali ako
Pero hindi ko pinagsisisihan na ikaw ang minahal ko
Dahil ikaw ang naging dahilan
Para muli akong may matutunan
Hindi lang sa larangan ng pagmamahal
Kundi pati na rin sa kung paano sumugal
Sumugal kahit walang kasiguraduhan
Sa pagkapanalo o pagiging talunan.

Tila isang malaking bangungot
Ang ginawa mo saking pagkalimot
Mga alaala ng kahapon
Sobrang hirap balewalain at basta bastang itapon.

Sinubukan kong maging malakas
Para naman nararamdaman nating dalawa ay patas
Dahil kung ikaw nakaya mo
Hindi ba dapat pati ako?

Pinalaya kita
Hindi dahil sa hindi na kita mahal kundi dahil doon ka magiging masaya
Alam kong may mahal ka nang iba
Kaya kahit kaligayahan ko sinugal ko na.

Pinalaya kita
Dahil alam kong hindi ka naman magiging masaya kahit ipilit ko pa
Pinalaya kita
Dahil MAHAL KITA.

At ngayon alam kong masaya ka na
Alam kong masaya ka na dahil kasama mo na ang mahal mong talaga.
Masaya ka na dahil malaya ka na
Malaya ka nang mahalin siya
Malaya ka na
Sa pangungulit at pang iinis ko sayo
Malaya ka na
Sa pagpupumilit ko na ako nalang ang mahalin mo.

Pero lagi kong tanong sa sarili ko
Kailan ba yung ako naman?
Kelan ba yung ako naman yung magiging malaya
Kelan ba yung ako naman yung magiging masaya.

Ang hirap masanay
Masanay sa bagay na alam mong may hangganan
Masanay sa bagay na alam mong pansamantala lang.

Naisip ko
Bakit nga ba biglang nagbago
Napawi lahat ng saya na naramdaman ko
Napawi lang sa isang iglap.

Pero napagtanto ko
Na hindi ka na masaya sa piling ko
Na hindi ka na masaya sa pagyakap ko sayo
Na hindi ka na masaya sa relasyon na meron tayo
Dahil meron nang siya
Meron nang siya sa buhay mo.

Nakikita ko na mas masaya kang kamasa siya
Nakikita ko na mas pinapahalagahan mo sya
Nakikita ko kung paano ka maglaan ng oras sa kanya.

Kaya mahal
Patawad
Pinapalaya na kita.

...

SALAMAT SA PAGBASA! ☺