Alaala

Yung mga pangako natin sa isa't isa
Na wala ni isa sa atin ang lalayo
Na walang magbabago.

Pero ang bilis ng panahon
Hindi ko namamalayan na unti unti ka na palang lumilingon
Lumilingon sa kung saan wala ako
Kung saan nandoon yung bagong mahal mo.

Minahal kita
At hanggang ngayon mahal pa rin kita
Pero ikaw na ang nagpumilit kumawala
Paano ako magsisimula
Kung ang laging nasa isip ko ay ang ating alaala
Paano ako magiging malakas
Kung sa nakaraan nati'y hindi ko magawang makatakas.

Panalangin ko na sana tayo'y magtagal
Sabay tayong tatanda na walang sasagabal
Dahil alam kong matibay ang pagmamahalang mayroon tayo
Pero nagkamali pala ako
Nagkamali ako
Dahil sa malinaw at asul na kalangitan
Ay may nakatagong mga salita na puro lang pala kasinungalingan
Na sabi mo ako lang
Yun pala, sa dulo
Ako nalang.

Minahal kita
At hanggang ngayon mahal parin kita
Pero tama na
Kasi nakakapagod din pala
Pinasakay mo ako sa magagandang paandar mo
Pinaniwala mo ako sa mabubulaklak na mga salita mo
Pinaniwala mo ako na ako lang ang mahal mo hanggang dulo
Pero isa ka rin palang manloloko.

Natatandaan mo pa ba
Yung mga kwentuhan at tawanan natin tuwing tayo'y magkasama
Yung magkahawak ang ating kamay habang naglalakad sa kalsada
At yung pagtalikod mo sa akin kasabay ng pagtingin mo sa kanya
Binitawan mo ang kamay ko
Malinaw na sa akin na hindi na ako ang mahal mo
Hindi na ako ang napapasaya sayo.

Kaya ka pala nagbago
Kasi nakahanap na ng bago
Pinaniwala mo ako sa mga pangako mo
Nakahanap ka na agad ng bago kahit mayroon pang TAYO
Sinisisi ko ang sarili ko dahil nagbulag-bulagan ako sa mga nakikita ko
Nagbingi-bingihan ako sa mga sinasabi ng ibang tao tungkol sayo
At nagtanga-tangahan ako para lang hindi ka mawala sa buhay ko.

Ilang baso pa ba ng kape ang kailangan kong inumin para mamulat sa katotohanang siya na ang mahal mo at hindi na ako
Masaya naman tayo
Maayos naman tayo
Pero sa isang iglap
Nabura ang ating mga pangarap
Salitang "paalam" ang huling sabi mo
Pero hinihintay ko pa yung salitang "patawad" na nais kong sambitin mo
Bakit ka nga naman hihingi ng tawad kung sa tingin mo sasaya ka naman sa ginawa mo
Bakit ka nga naman hihingi ng tawad kung alam mong makakasama mo naman ang bagong mahal mo
Bakit ka nga naman hihingi ng tawad kung para sayo
Basura na lang ako.

May mga pagkakataong gusto kong ulitin kahit mali
Dahil doon ako nagiging masaya at nagagawang ngumiti
Pero ikaw ang pinakamalaking pagkakamali ko
At hindi ko na gugustuhing ulitin pa ang kung anong mayroon tayo.

Nakakatawang isipin
Na nasayang lang lahat ng pinaghirapan natin
Teka
Pinaghirapan ko
Kasi ako na lang naman ang natirang lumalaban hanggang dulo
Kahit alam kong wala na akong mapapala sa paglaban ko.

Pero ang mga alaalang yan
Hinding hindi ko makakalimutan
Dahil dito ko napatunayan
Na kahit kailan
Hinding hindi mo kayang manindigan.

...

SALAMAT SA PAGBASA! ☺

Ciao! 😉