Tayue pula pik jipula pade
Tayue jak u glee jijak u banda
Tayue jak awai jijak oh akhe
Nyan jeut keuh sabe urueng lam dawa
Meutajak mu ue hana jeut pade
Meutajak uglee hana jeut lada
Meurumpok rugo bak mita wase
Meurumpok pake bak bagi laba
Ramphak that ramphak kaye meurante
Ka ji ek awe ngon urot rimba
Punca keu rayek haba meusinde
Ujong meuseuke putoh syedara
Yg mita ranup apa lem kade
Yg mita gambe apa lem kaha
Awai meusanut dudoe ka meucre
Nafsu lam hate ka keunong daya
Lheuh bak mise
Mekumat bak janggot
Ta puse2 bek kinong rot keu
Ban ta tupue ka mesawak rot likot