Kya aap bhi unme se ek ho jo apni salary kisi ko nahi batata hai. Fir main aap logo se ek sawaal puchna chahunga kya dikkat hai bhai salary bataane me. Kya koi aap se maang lega ya fir cheen lega? Aakhir darr kiss chij ka hai kyo aap apni salary kisi ko nahi bataate ho. Mujh se to jo bhi puchta hai main sahi sahi bata deta hoon jo bhi meri salary ho ya fir jo bhi meri income ho rahi ho.
Mera ek dost hai uski kuch mahine pahle hi naukri lagi hai. Wo bas govt scheme ki evaluation karta hai. Uski sarkari job nahi hai lekin suvidha achhi mil jaati hai. Sarkari kaam ka evaluation kar raha hai bhai koi choti moti kaam to hai nahi. Mujhe iss ke baare me pata nahi tha warna main bhi karta.
Waise iss me kuch karna nahi hota hai bas interview hoga aur group discussion hoga fir aap ka chuna jaayega. Dekha jaaye to aaj kal har field me group discussion leke aa rahe hai. Aur sala main iss me bahut kamjor hoon haklaane lagta hoon bol hi nahi paata hoon speed se. Agar english me ho to meri to fatt jaayegi waise ye english me hi hota hai. India ek aisa desh hai jaha ki bhasa english nahi hai lekin fir bhi sab se jyada english boli jaati hai.
Aisa desh sirf humara hi desh hai. Humare desh me kaafi jyada english boli jaati hai lekin afsos ki baat ye hai ki mujhe english nahi aati hai. Kya batau bhai log main sarkari school me padha hoon. Aap logo ki tarah mere pitaaji ameer nahi they. Isliye mujhe sarkari school me padhaya lekin chalo koi nahi kam se kam padhaya to sahi bhai aur isliye main kaafi khush hoon.
Haan to main aap logo se ye kah raha tha ki ye job bhi badhiya hai. Iss ki koi taiyaari nahi karni hoti bas graduation complete hona chahye aur dekhte raho kab iss ka vacancy nikla hai fir apply kar do. Iss me salary bahut achhi milegi aap ko bhale hi sarkari na hai fir bhi iss me salary bahut hi achhi hai.