Aaj humare desh ke pradhan mantri ji ka janm din hai. Aap ko pata hai bhaaiyo humare pradhan mantri ji daily ke 18 ghante kaam karte hai aur sirf 4 ghante hi sote hai. Humare desh ki bhalaayi ke liye ye din raat lage rahte hai. Bhale hi ab tak kuch bhala nahi hua hai desh ka. Lekin fir bhi Modi ji puri mehnat kar rahe hai ki apne desh ko uchaayio par lekar jaaye.
Aur aap ko pata hai Modi ji ne 4 saalo se ab tak ek bhi chutti nahi liya hai. Matlab wo 4 saalo se har roj kaam kar rahe hai Sunday ko bhi inhone rest nahi kiya hai. Par modi ji videsh bahut ghumte hai, khair koi baat nahi videsh ghumte bhi hai to desh ki bhalaayi ke liye hi.
Desh ko aage badhana hai to dusre desho se achhe touch hona chahye. Yahi niti par Modi ji chal rahe hai aur sabhi desh ghum rahe hai. Mujhe na lagta koi aisa desh bacha hoga jaha abhi tak Modi ji gaye nahi hai. Ho sakta hai koi bach gaya ho lekin koi baat nahi agle saal bhi yahi PM banne waale hai.
Aur abhi bhi 1 saal baaki hai itna time me ye aur bhi kayi desh ghum sakte hai aur agle saal PM ban gaye to fir aisa koi jagah hi nahi bachi rahegi jaha Modi ji travel na ki ho. Modi ji ki to baat hi niraali hai bhai log inki jitni tareef ki jaaye kam hai.
