Lhok umong keubeu di mu'ue
Manyang di iku iduk bak guda
Bak tameungui ta kalen laku
Nye tan ta teupue bek tahah saja
Igoe ruhung i pajoh gusi
Wap pajoh teurasi bak saboh uroe
Publoe bangai bek duk bak keurusi
Yang careng sendiri dum tan ithei droe
Owh watee meugang dum yang pajoh sie
Na cit kap bibi ngen silop swallow
Dumna peujabat yang le korupsi
Tan ji teupu bie meu sikrek asoe
Tajak u kutablang na deuh boh giri
Di sana sini mameh that asoe
Yang manteng lajang bagah ta mita isteri
Meunan cit dek siti bek sampe tan lakoe
Eungkot seupat mangat ta peu pliek
Ngen campli putik ta lhap di seungko
Meunye han tatem bak meu politik
Preh habeh di siliek nyan bungkoh meu asoe
Lam palong mirah ta ruah naleung
Lam umpung ruhung dum na geumutoe
Bek salah antok rawi ta rayueng
Ji trei oen punyueng nanggroe di publoe
"Pantun lepas"
Karya : Muhammad Iqbal Aceh Malaka
