Hudep lam donya aduen ngen adoe
Di miyup sidroe poe yang maha kaya
Hana peurle susah uleh geutanyoe
Takot singeh uroe beulanja hana
Tapubut mantoeng pu yang geupeugah
Ata yang geuceugah keubah le gata
Hana peurle rango hana peurle susah
Keusuai nafakah kalheuh allah kira
Pubut but mubah hana geuceugah
Mita nafakah jeut meulomba lomba
Tapi beucaroeng rakan meutuwah
Bek sampe takubah wajeb rabbana
Han bahagia hudep lam donya
Adak brat kaya hudep han seunang
Meunye meulanggar deungen rabbana
Dak dumho tajak tanyoe han teunang