sumber
Saboh keunisah di gampong juleng
Na saboh cicem lagak lagoina
Sigo-go meusu lage seuruleng
jiteuka meusyen seungkak lam dada
Nanggroe nyang jikeun Kuto Di Manggeng
Nan saboh cicem Simeulu Raja
Kuleut meuh pirak sikrak-krak lureng
Hana pat bandeng tari jih raya
Sayang tat pade keunong hama kleng
Sayang po cicem gadoh suara
Meuseubab buleun hana le pateng
Sinan keuh cicem jiteuka lara
Jiteuka rihon lam hate cicem
Buleun jih meusyen gadoh lam miga
Gadoh beureuhi meurana baten
Sidroe po cicem seungu teurasa
Meunan umpama adoe bang bandeng
gatalah cicem meusyen purnama
Taglong ngon patok ubak geunireng
ureung nyang nak tem takot jiteuka
Oh te jipeuto takot tan bandeng
oh neuk keureuleng seulala mata
padahai hate dum ureung laen
Keu mawo licen galak beraya
By. Nazar Shah Alam
Posted from my blog with SteemPress : https://meupanton.000webhostapp.com/2018/09/69-pantoen-aceh-cicem