"CINTA LAM MEDIA"
■■■■■■■■■■■■■■■■■■
Harap wasé padé lam blang
Cukôp sayang tikôh pajôh
Karang caé sabé irang
Hantöm reumbang yang lôn ratôh
☆☆☆
Dak na adék canték ruman
Yang lôn sayang gèt that jiôh
Adék Aini binti suman
Gampông jih nyan di meulabôh
☆☆☆
Meuturi phôn ngon lôn tuan
Lam Istagram komen sunggôh
Saban uroe kamoe bincang
Macam-macam dum brôh putôh
☆☆☆
Dalam fb pih lagèe nyan
Lam chattingan sabé lôn trôh
Basi basa canda riang
Gét that seunang bah beugadôh
☆☆
Dudoe kamoe ka jadian
Gaséh sayang ka meubungkôh
Cinta suci kubi rijang
Ngon harapan bèk lé durôh
☆☆☆
Alahai dék linték badan
Ija pinggang sutra halôh
Cukop lagak tajak linggang
Mata abang di seumeulhôh
☆☆☆
Tapèh sikin keuthing keuthang
Tajam parang kalheuh seupôh
That meuhajat sapat sayang
Salèh pajan jeut top dabôh
☆☆☆
Payah saba dang na manyam
Keucut abang tabri tanggôh
Jati beusoe tabloe teuman
Ngat bèk goyang 'oh ta kayôh
☆☆☆
Cabeung ramphak bak tualan
Kayèe meudang pue nyo rapôh
'Eh noe sajak jeut lôn karang
Padup teuman nilai neubôh ?
☆☆☆
Oleh : @along-assegaf
