ချစ်လှစွာသောမြန်မာစတီးမစ်မိသားစုဝင် အပေါင်းတို့ မင်္ဂလာပါခင်ဗျာ။

Mingalar par. My dear Myanmar steemians families.

ဒီကနေ့က စနေနေ့ဖြစ်သည်နှင့်အညီ မနက်ဖန်တွင် ပရိုတင်စရာ မရှိသည့်အတွက် မျှဝေလိုသောအကြောင်း အရာတစ်ချို့ရှိနေပါသည်။ စနေနေ့တိုင်းတွင် ကျွန်ုပ်အနေဖြင့် စာမရေးပဲနှင့် အနားမယူလိုသည်ကတစ်ကြောင်း၊ တစ်ရက်ပျက်လျှင် စိတ်မပါဖြစ်တတ်သောကြောင့်လည်းကောင်း စာရေးမပျက်ချင်သောကြောင့် ရေးခြင်းလည်း ဖြစ်ပါသည်။ စာရေးမပျက်လည်း မပျက်ချင်၊ ဗဟုသုတလည်း ရစေလိုသောဆန္ဒကြောင့် စာရေးဆရာကြီးများ၏ စာများအား လှန်လှောဖတ်ရှုကာ မျှဝေရေးသားခြင်းဖြစ်ပါသည်။ စိတ်မပါလို့ vote မပေးနိုင်ပါကလည်း ကိစ္စမရှိပါ။ ဗဟုသုတရစေလိုသောဆန္ဒသည်သာ အဓိကဖြစ်ပါသည်။ ထို့ကြောင့် ယနေ့အတွက်ကို ဆုံးမစာ အကြောင်းကို ရေးသားမျှဝေလိုပါသည်။ ဆုံးမစာ ဟုဆိုလိုက်သဖြင့် ကျွန်ုပ်က ဆုံးမစာရေးသားခြင်းမဟုတ်ပါ။ ရှေးရှေးက စာများဖြင့် ရေးသားဆုံးမထားခဲ့ကြသည်ကို ပြန်လည်မျှဝေလိုခြင်းသာဖြစ်ပါသည်။ အခြားသော တိုင်းပြည်များတွင် ထိုသို့သော ဆုံးမစာများရှိမည်ဟု ထင်ပါသည်။ ကျွန်ုပ်တို့ နိုင်ငံတွင် “ဆုံးမစာအစ မြတ်ဗုဒ္ဓ” ဟု ရှေးကလူများက မှတ်ယူထားခဲ့ကြပါသည်။ ကျွန်ုပ်တို့လူ့ဘောင်လောကတွင် အယုတ်တရား၊ အမိုက်တရား၊ မိစ္ဆာတရား တို့သည် ဆိတ်သုန်းပျောက်ကွယ်ခြင်းမရှိပါ။ မကင်းကွာခဲ့ပါ။ ရှေးကလည်း မဆိတ်သုန်း မကင်းကွာခဲ့သကဲ့သို့ ယခုခေတ်လည်း မကင်းကွာ မဆိတ်သုန်း၊ နောင်လည်း ထို့အတူတူပင် ရှိပါလိမ့်မည်။ လူတို့သည် အမူအကျင့်၊ အပြောအဆို၊ နှလုံးသွင်း စသည်တို့သည် လမ်းမှားရောက်ရန် အခွင့်အလမ်းများစွာ ရှိပါသည်။ ထို့ကြောင့်လည်း ပညာရှင်အဆက်ဆက်တို့သည် ဆုံးမစာများအား ရေးသား ဆုံးမခဲ့ကြပေသည်။ အဆုံးအမနှင့်ကင်းလွတ်သောသူတို့သည် ငြိမ်းချမ်းသာယာစွာဖြင့် လူ့လောကကြီးကို ဖြောင့်တန်းစွာ လျှောက်လှမ်းနိုင်ကြမည်မဟုတ်ပါ။ အဆုံးအမစာများကွယ်ပျောက်ခဲ့သည်ရှိသော် ကျွန်ုပ်တို့ လူ့လောကကြီးသည် အလွန်အမင်းဆိုးရွားသွားနိုင်သည်မှာ သေချာပါသည်။ ဆုံးမစာများသည် အကောင်း အဆိုး၊ အကြောင်း အကျိုး တို့ကို စဉ်းစားဆင်ခြင်နိုင်ရန်အတွက် ခွဲခြားဝေဖန်နိုင်ရန်အတွက် လမ်းညွှန်မြေပုံများ ပင်ဖြစ်ပါသည်။

ကျွန်ုပ်တို့သည် လူ့ဘောင်လောကတွင် ဆောင်ရန်၊ ရှောင်ရန် တနည်းအားဖြင့် ကျင့်ဆောင်ရန်နည်းလမ်း ကောင်းများ၊ မကျင့်ဆောင်ထိုက်ပယ်ခွာအပ်သော၊ အပြစ်ဖြစ်စေသောအကျင့်တို့ကို မကျင့်ဆောင်ခြင်းသည် လောက၏ အကျိုးစီးပွားတိုးတက်ရန်သာမက သံသရာခရီးတွင် အလွန်အရေးပါသောကြောင့် ပညာရှင်တို့က ဆုံးမစာတို့ကို အလေးအနက်ထား ရေးသားခဲ့ကြခြင်းပင်ဖြစ်ပါသည်။ ယနေ့ခေတ်ကာလတွင် ဆုံးမခြင်း ကို အပြစ်တင်ခြင်းဟု ယူဆတတ်ကြရာ ဆုံးမခြင်းကို မခံယူလိုကြသောသူအများအပြားပင်ရှိနေရာ နောင်ရေး စိတ်မအေးစရာပင်ဖြစ်ပါသည်။ အဆုံးအမ ကို သြ၀ါဒ ဟုလည်းကောင်း၊ အနုသာသန ဟုလည်းကောင်း၊ နီတိ ဟုလည်းကောင်း ခေါ်ဆိုနိုင်ကြောင်း သိရပါသည်။ နီတိကျမ်းများသည် သက္ကတဘာသာကို အရင်းခံ ရေးသား ထားသော လောကအဆုံးအမများပင်ဖြစ်ပါသည်။ နီတိကျမ်းများသည် မူရင်းကျမ်းဂန်အသီးသီးမှ ကောင်းမွန် သော အယူအဆများကို သိမ်းသွင်းလက်ခံထားသည်ဖြစ်ရာ နီတိများစွာတွင် ဒေသနာတော်ထွက် အဆုံးအမများလည်း ပါဝင်နေမည်ဖြစ်ပါသည်။ နီတိကျမ်းများကို လောကနီတိ၊ ဓမ္မနီတိ၊ ရာဇနိတိ ဟု ခွဲခြား ဖော်ပြခဲ့ကြကြောင်းလည်း မှတ်သားရပါသည်။ ကျွန်ုပ်တို့ မြန်မာနိုင်ငံတွင် ဆုံးမစာများသည် ဗုဒ္ဓဘာသာ ယဉ်ကျေးမှုနှင့်အတူ ၀င်ရောက်လာကြပေသည်။ ရှေးခေတ်က ဆုံးမစာရေးသားသူများသည်လည်း အများအားဖြင့် ရဟန်းတော်များဖြစ်ကြကြောင်းကိုတွေ့ရပါသည်။ “အလိမ္မာ စာမှာရှိ” ဆိုသော စကားသည် ဆုံးမစာအမျိုးမျိုးတို့ကို ပညာရှင်အသီးသီးတို့မှ ပြုစုခဲ့သောကြောင့် ထွက်ပေါ်လာခြင်းဖြစ်ပါသည်။

ဆုံးမစာများသည် အမျိုးအမည်များပြားစွာတည်ရှိသည်ဟု သိရှိရပါသည်။ ဆုံးမခံ ပုဂ္ဂိုလ်များအလိုက် ရှင်သာမဏေတို့အား ဆုံးမချက်၊ မင်းအား ဆုံးမချက်၊ ပုဏ္ဏားတို့အား ဆုံးမချက်၊ လောကီလူသားတို့အား ဆုံးမချက်၊ မင်းမှုထမ်းများအား ဆုံးမချက်၊ အမျိုးသမီးများအား ဆုံးမချက်၊ အမျိုးလေးပါး လူအားလုံးနှင့် သက်ဆိုင်သော ဆုံးမချက် စသည်ဖြင့် မြင်တွေ့နိုင်ကြပါသည်။ ဆုံးမစာတစ်စောင်ထဲတွင်ပင် အပိုဒ်ခွဲ၍ ဆုံးမတတ်ကြောင်းကိုလည်း သိရပါသည်။ ဆုံးမစာ အဖွဲ့အနွဲ့များကိုလည်း ရိုးရိုးလင်္ကာစပ် စကားပြေများမှ သည် လင်္ကာ၊ ပျို့၊ ရတု၊ လေးဆစ်ချိုး၊ သံပေါက် စသည်ဖြင့် မိမိတို့သန်ရာအလိုက် အမျိုးမျိုးအဖုံဖုံ စပ်ဆိုကြ ကြောင်းကိုလည်း မှတ်သားရပါသည်။ ဆုံးမစာများတွင် ပိဋကတ်ကျမ်းဂန်များ၊ နီတိကျမ်းများမှ အဆိုအမိန့်များ ကို ကိုးကားလျက် မိမိ၏ ဥာဏ်ဖြင့် ပေါင်းစပ်ထည့်သွင်းထားတတ်ကြပေသည်။ လုပ်သင့် မလုပ်သင့်၊ ဆောင်ရန် ရှောင်ရန် များကို ခွဲခြားပြသပေးပါသည်။ ဆုံးမစာများရေးသားကြရာတွင် မူရင်းကျမ်းတစ်ခုတည်းမှ ထုတ်နုတ်ရေးသားကြရသဖြင့် တူညီမှုများကိုလည်း တွေ့မြင်ရပါသည်။ ထိုသို့သဘောတရားအရ တူညီနေသော်လည်း အချို့ရေးသားပုံနည်းစနစ်မတူညီကြသည်ကိုလည်း မှတ်သားရပါသည်။ ယနေ့ခေတ်တွင် ဆုံးမစာများအား စိတ်ဝင်စားမှုနည်းပါးလာသည့်အပြင် အထက်တွင်ဖော်ပြခဲ့သည့်အတိုင်း ဆုံးမသည်ကို အပြစ်တင်သည်ဟု ထင်မြင်တတ်ကြပေရာ စိတ်မကောင်းစရာပင်ဖြစ်ပါသည်။ ဆုံးမမည့်သူ မရှိခြင်းသည် လောကအကျိုးစီးပွား၊ သံသရာ အကျိုးစီးပွား ဆုတ်ယုတ်ပျက်စီးခြင်းပင်ဖြစ်သည်ကို နားမလည်ကြတော့ပါ။ ၀မ်းနည်းဖွယ်ကောင်းလေစွ။

ဆုံးမစာများသည် လောကအတွက် အလွန်အရေးပါလှပါသည်။ ဆုံးမစာတို့သည် လောကီ လောကုတ် နှစ်ဖြာသောအကျိုးစီးပွားကို တိုးတက်စေပါသည်။ ဆုံးမစာများ ပျောက်ကွယ်လာလျှင် လူတို့၏ အကျင့်စာရိတ္တ များအပြင် လုပ်သင့်သည်ကိုလည်း နားမလည်၊ မလုပ်သင့်သည်တို့ကိုလည်း မသိရှိနိုင်တော့ပါ။ အထပ်ထပ်ဖတ် ခြင်းဖြင့် သတိပြုဆင်ခြင်စရာများကို သိနားလည်စေနိုင်ပါသည်။ ခေတ်အဆက်ဆက်အတွက်လည်း မှန်ကန်သော ဆုံးမချက်များလည်း ပါရှိတတ်ပေသည်။ ခေတ်မီသော အဆုံးအမများကို တစ်စုတည်း တစ်ပေါင်းတည်း လူအများ သိရှိစေနိုင်သောကြောင့် အလွန်အဖိုးတန်လှပေသည်။ ထိုသို့ လူ့လောကအတွက် အဖိုးတန်လှသော ဆုံးမစာများ ပျောက်ကွယ်နေခြင်းမှာ နှမြောစရာကောင်းလှပါသည်။ ဆုံးမစာများအား ဖတ်ရှုခြင်းဖြင့် လူ့ဘောင်လောကအား ယဉ်ကျေးသိမ်မွေ့စေပါသည်။ လူတော် လူကောင်းများ ပေါ်ထွန်းနိုင်စေ ပါသည်။ ရှေးဟောင်းစာပေများအားလည်း ထိန်းသိမ်းစောင့်ရှောက်ရာရောက်ပေသည်။ ထိုထိုသော ကောင်းကျိုးများကြောင့် ဆုံးမစာများအား မပျောက်မပျက် ဆက်လက်တည်ရှိစေလိုသော ဆန္ဒဖြင့် ဆုံးမစာများ အကြောင်းကို မျှဝေရေးသားခြင်းဖြစ်ပါသည်။ နောက်အပတ်များတွင် ဆုံးမစာများအား တတ်နိုင်သလောက် ဖော်ပြပေးသွားမည်ဖြစ်ပါသည်။ ဆုံးမစာများတွင် ပါရှိသည့် အထွေထွေဆုံးမစာများသည် လူသားတို့အတွက် ထူးချွန်အောင်မြင်သော ဘ၀ကို ပုံဖော်ပေးနိုင်မည်ဟု ယုံကြည်ပါကြောင်းရေးသားရင်း ရပ်နားလိုက်ပါသည်။

နောက်တစ်ပတ်တွင် ဆက်လက်ဖော်ပြပါမည်။

မှီငြမ်း - ဆုံးမစာပေါင်းချုပ်

ရေးသားသူ(Author)___

stemit ansoe myanmar no word logo 2.png