ယိုယွင်းတယ်ဆိုတဲ့ စကားက တဖြည်းဖြည်းနဲ့ ပျက်စီးလာခြင်းလို့ အဓိပ္ပါယ်ဖော်နိုင်ပါတယ်။ အချို့အရာတွေက တဖြည်းဖြည်းနဲ့ မသိမသာ ယိုယွင်းလာခြင်းဖြစ်ပြီး တချို့အရာတွေက သိသိသာသာ ယိုယွင်း ပျက်စီးလာပါတယ်။ မသိမသာ ပျက်စီးယိုယွင်းလာတဲ့ အရာကို ဥပမာပြရရင် ရာသီဥတုဖြစ်ပါတယ်။
သိသိသာသာ ယိုယွင်းပျက်စီးမှုကို ဥပမာပြရရင် ယခုလက်ရှိ အခြေအနေနဲ့ ခိုင်းနှိုင်းပြရမယ်ထင်ပါတယ်။ အားလုံးလည်း သိရှိပြီး ဖြစ်တဲ့အတွက် အထွေအထူးတော့ မပြောတော့ပါဘူး။ သိသိသာသာကို ပျက်စီးလာတဲ့ နောက်ဥပမာ တစ်ခုကတော့ လူတွေရဲ့ စိတ်ဓါတ်ပိုင်းလို့ ပြောရမလိုပါဘဲ။ကိုယ်ကျင့်တရား အခြေခံလူ့ယဥ်ကျေးမှု ဘာသာတရား အဆုံးအမတွေက လူတွေရဲ့ စိတ်နှလုံးကို ယဥ်ကျေးလိမ်မာလာဖို့ မစွမ်းသာတော့တာလား။
ယနေ့ခေတ်အချိန်မှာ ကလေးသူငယ်တွေ လူလတ်ပိုင်းမှသည် သက်ကြီးရွယ်အိုအထိ နည်းမျိုးစုံနဲ့ သတ်ဖြတ်ခံနေကျရပါတယ်။ စစ်ဘေး ရောဂါဘေးစသည့် အင်မတန်ကြောက်စရာ ကောင်းတဲ့ ကပ်ဘေးဆိုးကြီးမှာ ကျမတို့ ရှင်သန်နေထိုင်ရတဲ့အခါ ကိုယ်ကျင့်တရား အခြေခံကောင်းတွေကို ပစ်ပယ်မထားဖို့ဘဲ ကျမကတော့ တိုက်တွန်းချင်ပါတယ်။ ဒါမှ လူလို့ ခေါ်ထိုက်ပြီး အသေလှ အနေလှနိုင်မှာပါ။ ဒါကြောင့် ခေတ်ကြီး ဘယ်လောက်ပျက်စီးနေပါစေ လူ့အသိုင်းအဝိုင်းမှာ နေထိုင်နေသေးသရွေ့ လူပီသအောင် နေထိုင်နိုင်ကြပါစေ။