အားလုံး မင်္ဂလာပါ
အခုတစ်လော မီးပျက်ချိန်တွေပိုများလာတွေ့ရပါတယ်။ အဲဒါနဲ့ နွေရာသီမှာ ပို ဆိုးမလား ဆိုပြီး ၂၀၀ ဝပ့် ဆိုလာ ပြားတစ်ချပ် သွားဝယ်ဖြစ်ခဲ့တယ်။ စျေးကလဲ ယခင်းစျေးကို ၅ ရာခိုင်နုန်းထပ်ပေါင်းတာနဲ့ ၂ သိန်း ၁ သောင်း ၅ ထောင်ကျပ်ကျပါတယ်။
ဆိုလာပြား အပြင် ကွန်ထရိုလာနဲ့ ကြိုး နဲ့ ဆက်ခေါင်းတွေဝယ်ရပါတယ်။ ကြိုးက ၄မီလီကြိုးက တစ်မီတာ ၂၆၀၀ ကျပ်ဆိုတာကြောင့် နီနက် နှစ်ပင်ပါတဲ့ ကြိုးကို တစ်ကိုက် ၇၀၀ နဲ့ ဝယ်ခဲ့ပါတယ်။ ကွန်ထရိုလာက ၃၀ အင်ပီယာ ကို ၁၄၂၀၀ ကျပ်ကျသင့်ပါတယ်။ အောက်က ကြိုးခေါင်း တစ်စုံက ၂၅၀၀ ကျပ်ကျပါတယ်။
ဝယ်လာတဲ့ ကြိုးက စျေးပေါလို့လားမသိ အပြင်က ကြည့်တော့ ဆိုက်က ကြီးတယ်ထင်ရပေမယ့် အထဲမှာကျတော့ ကြေးကြိုးက သေးနေပါတယ်။ အခု က ၂၀၀ ဝပ်အားဆိုတော့ ၂၀၀/၁၂ = ၁၆ အင်ပီယာ စီးနိုင်တဲ့ ကြိုးလိုပါမယ်။ ဝယ်လာတဲ့ ကြိုးက အဆင်မပြေနေပါ။ ကြိုးဆိုက်သေးတာကြောင့်မို့လား၊ ကြိုးဆွဲတာရှည်သွားလို့လား၊ ကော်နက်ရှင်ကောင်းကောင်းမမိလို့လား မသိ မနေ့က အားသွင်းတာ မဝင်တာကို တွေ့ရပါတယ်။
ဒီနေ့မှာတော့ အေစီလျှပ်စစ်သွယ်တန်းတဲ့ ဝါယာ 7029 ဆိုက်နဲ့ သွယ်စမ်းကြည့်တာ အားဝင်တာကို တွေ့ရပါတယ်။ ကျွန်တော်တို့ ဆိုလာပြားကို တပ်ဆင်တဲ့အခါမှာ မြန်မာပြည်အတွက်ဆိုရင် နေရောင်ကို ကောင်းမွန်စွာရဖို့အတွက့် ၁၅-၂၀ ဒီဂရီ စောင်းပေးပြီး တောင်ဘက်ကို မျက်နှာမှုထားရမယ်ဆိုပါတယ်။
နေရောင်နဲ့ ဆိုလာပြားနဲ့ ထိတဲ့အချိန် နံနက် ၁၀ နာရီလောက်မှာ စီးဝင်အင်ပီယာ ၄ ကျော်ကျော်နဲ့ ဗို့အား ၁၇ ရှိတာကိုတွေ့ရပါတယ်။ ကျွန်တော်က charger ကနေလဲ ဘက်ထရီကို အားသွင်းတော့ လျှပ်စစ်မီးလာတဲ့ အခါမှာလည်း ဆိုလာကနေရော၊ လျှပ်စစ်မီးကနေရော နှစ်ခုလုံးအားဝင်တာကိုတွေ့ရပါတယ်။ အဲဒါဘာအတွက်အဆင်ပြေလဲ ဆိုတော့ ဘက်ထရီအားပြည့်ဖို့ ဆိုလာကိုလဲ အသုံးပြုတာကြောင့် လျှပ်စစ် ခြွေတာရာလဲ ရောက်ပါတယ်။ အောက်ကတော့ ကျွန်တော့် ချာဂျာလေးပါ။
အင်ဗာတာ အနေနဲ့ Sukam 650W sine wave inverter ကို သုံးပါတယ်။ ဘက်ထရီကတော့ ၁၃၅ အင်ပီယာနာရီ အိုးလေးပါ။
ဆိုလာပြားကို ဒီစီမော်တာနဲ့လဲ တိုက်ရိုက်ချိတ်ဆက်သုံးနိုင်ပါသေးတယ်။ ရေတင်ဖို့ ကျွန်တော် အဲလိုလေး သုံးထားတာပါ။ မော်တာက 6-24V အဝင်လက်ခံနိုင်ပါတယ်။ ကျွန်တော့်ရဲ့ ဝပ် ၅၀ ဆိုလာပြားနဲ့ ချိတ်ပြီး ရေတင်ဖို့အတွက် အသုံးပြုပါတယ်။
မိတ်ဆွေတို့လဲ ဆိုလာစွမ်းအင်ကို အသုံးပြုကြပါသလား။
အားလုံးကျန်းမာ ချမ်းသာကြပါစေ။
@princekham
14th Dec 2023
Myanmar