ဆိတ်ခြေထောက် စွပ်ပြုတ်

အားလုံးပဲ မင်္ဂလာပါရှင့်။
ဒီနေ့မှာတော့ လွယ်ကူရိုးရှင်းပြီး အာဟာရ ဖြစ်စေမယ့် ဆိတ်သား စွပ်ပြုတ်လေး ပြုလုပ်ထားပါတယ်။ ချက်ပြုတ် ရလွယ်ကူပြီး အာဟာရဖြစ်စေတာမို့ မကြာခဏ စားဖြစ်ပါတယ်။ စျေးထဲမှာ ဆိတ်ခြေထောက် ဆိတ်ရိုး ၁၅၀၀ ဖိုးလောက်၀ယ်ရင် အများကြီး ရပါတယ်ရှင့်။

ဆိတ်စွပ်ပြုတ် လုပ်ဖို့ လိုအပ်တာတွေကို ပြောပြပေးပါမယ်ရှင့်။

၁။ ဆိတ်ရိုး အနည်းငယ် ( ညီမက တစ်ယောက်စာ ချက်ပြုတ်ထားပါတယ်)
၂။ စပါးလင်
၃။ ကြက်သွန်ဖြူ
၄။ ဂျင်း
၅။ နနွင်းမှုန့်
၆။ ဆား
၇။ ဆီ တို့ဖြစ်ပါတယ်။

ပထမဆုံး စျေးမှ၀ယ်ယူလာသော ဆိတ်ရိုးကို အနေတော် အရွယ် ပိုင်းဖြတ်ပြီးရေဆေးပါမယ်။
ပီးရင် စပါးလင် ပင်ကို ထက်ခြမ်းခွဲပြီး အနည်းငယ် ထုချေပါ။
ကြက်သွန်ဖြူ ကို ထက်ခြမ်း သို့မဟုတ် ၃စိပ် စိပ်ပါ။
ဂျင်းတက် တစ်တက် ကို မထူမပါးလှီးပေးရပါမယ်။
အကယ်၍ ငရုပ်ကောင်း ကြိုက်နှစ်သက်ပါက ငရုပ်ကောင်း အလုံးလိုက် ထည့်နိုင်ပါတယ်။
အားလုံးပြီးတဲ့အခါ အိုးထဲကို ဆိတ်ရိုး နှင့် စပါးလင်ပင်ကို ထည့်၍ပြုတ်ပါ။ နနွင်းမှုန့် အနည်းငယ်၊ ဆား အနည်းငယ် (ဆားများလျင် စွပ်ပြုတ်ဖြစ်သောကြောင့် ငန်နိုင်ပါတယ်၊ထမင်းးစားမဟုတ်သောကြောင့် နည်းနည်းပဲထည့်ပါရှင့်) ၊ ဂျင်း ၊ ကြက်သွန်ဖြူ တို့ထည့်ပြီး အရိုးများအတော်သင့်နူးသည်အထိပြုတ်ပါ။ ဒါဆိုရင်တော့ အရသာရှိပြီး အာဟာရဖြစ်စေမယ် ဆိတ်ရိုးစွပ်ပြုတ်တစ်ခွက်ရရှိပါပြီ။
img_0.8190735273465302.jpg

img_0.43583004267126285.jpg

img_0.032888624359750235.jpg

img_0.7976274019619906.jpg

ကျေးဇူးတင်ရှိပါသည်။

H2
H3
H4
3 columns
2 columns
1 column
20 Comments