၂၀၁၉ ခုနှစ်၊ ဒီဇင်ဘာလရဲ့ တနင်္ဂနွေတစ်ရက်မှာ အိမ်သန့်ရှင်းရေးလုပ်နေတုန်း တူဖြစ်သူက မိသားစုစုံလင်စွာနဲ့ အိမ်ကိုအလည်ရောက်လာပါတယ်။ အားလပ်ရက်ဖြစ်လို့အိမ်မှာ လည်း လူစုံနေပါတယ်။ ဒါကြောင့် တူလေးကို မြို့တော်ဉယျာဉ်လိုက်ပို့ပေးဖို့ အဆိုတင်သွင်းလိုက်တော့ အားလုံးကန့်ကွက်သူမရှိ ထောက်ခံမှုအပြည့်နဲ့ တူ၊ တူမ၊ မြေးတစ်သိုက်ခြံရံပြီး မြို့တော်ဉယျာဉ်ကို ကားလေးနဲ့ ချီတက်ခဲ့ကြပါတယ်။
မြေးတွေက ငယ်သေးတော့ ရိုလာကိုစတာ စီးဖို့အဆင်မပြေပါဘူး။ ဒီတော့
ကျမနဲ့ လူကြီးတွေပဲ စီးကြတာပေါ့။ စီးနေစဉ် မှတ်တမ်းတင်ပေးဖို့ကိုလည်း တခြားတူမတွေကို သေချာမှာရသေးတယ်။
ကလေးတွေက ရေလွှာမိချောင်းစီးချင်တယ်ဆိုလို့ ပေးစီးရပါသေးတယ်။
တဖြည့်ဖြည့်နဲ့မြင့်တက်လာပြီး အောက်ကိုတရှိန်ထိုးဆင်းသွားတဲ့အခါ
လှိုက်ကနဲဖြစ်သွားတဲ့ ခံစားချက်ကြောင့် စီးနေသူအားလုံး စိတ်လွတ်လက်လွတ် အော်လိုက်ကြပါတယ်။
အရှိန်နဲ့လွှင့်စင်လာတဲ့ ရေစက်တွေကြောင့် အဝတ်တွေစိုရွှဲသွားပေမယ့် နည်းနည်းလေးမှ မချမ်းပါဘူး။ တူမတသိုက်ကတော့ ခရစ္စမတ်နှင်းရုပ်တုတွေ၊ ချစ်စရာ အကောင်ရုပ်လေးတွေနဲ့ ဓာတ်ပုံရိုက်နေကြပါတယ်။
3D ရုပ်ရှင်လည်း ကြည့်ကြသေးတယ်။ ဒိုင်နိုဆောကြီးတွေလိုက်လို့ ရထားနဲ့ပြေးရတဲ့ရုပ်ရှင်ပါ။ အသက်ဝင်လွန်းလို့ ကိုယ်ပါ လိုက်အော်မိတယ်။ ကလေးတွေကို ကစားကွင်းလိုက်ပို့ရင်း ကိုယ်ပါကလေးဖြစ်သွားသလိုပါပဲ။
ကလေးတွေရော၊ တူ၊ တူမတွေပါပျော်ရွှင်နေတာကြည့်ရင်း ကျမလည်းပျော်မိ ပါတယ်။ ခုလို တူ၊ တူမတွေနဲ့ သွားလာရတာပျော်စရာကောင်းလို့ မကြာခနသွားဖြစ်ပေမယ့် ခုနောက်ပိုင်း ကိုဗစ်ကိုစစ်ကြောင့် မသွားရတာကြာပါပြီ။ ဒါပေမယ့် မဝေးတော့တဲ့အချိန်မှာ ကလေးများကို ကစားကွင်းကိုလိုက်ပို့နိုင်တော့မည်ဟု မျှော်လင့်ရင်း ပျော်ရွှင်နေမိပါတယ်။
@nweoomon
16-10-2021