ယနေ့တော့ Hive ဈေးက နှစ်ဒေါ်လာအနီး
ရောက်ရှိနေသည်မို့ အဖွဲ့သားတွေ အေးဆေး
ငြိမ်နေကြသည်။ Massager မှာ ပွဲ သိပ်မဆူတော့။
ကိုယ်အတွေးနဲ့ ကိုယ် ငြိမ်နေကြသည်။
ဒီနေ့တော့ အလှည့်အပြောင်းဖြစ်အောင်
ပိုစ့်ရေးဖို့ အမစနေသမီးအနားကပ်၍
ကုန်ကြမ်းရှာရသည်။
ယနေ့ အိမ်မှာ ဘာဟင်းချက်သလဲ စုံစမ်းရင်း
ဟင်းချက်မည့် ဟင်းလျှာများကို ဓာတ်ပုံရိုက်၍
ပိုစ့်တစ်ခု ကြံရပေတော့သည်။ ငါးဟင်းချက်မည်
ဖြစ်သည်။ ငါးအုံတုံ ကို လေးတုံကြော်၍
ရှစ်တုံးချက်သည်။ တူမဖြစ်သူက ငါးချက်မကြိုက်
ကျွန်တော်က ငါးချက်ကြိုက်သည်။
ငါးကို အရည်လေးဖြင့်ချက်မှ ပိုကြိုက်သည်။
ငါးဟင်းရည်ကို ထမင်းတွင်ဆမ်းစားသည်
ပြီးမှ ငါးတုံးကို ထမင်းစားပြီးမှ ဒီအတိုင်း
စားလိုက်သည်။
မုန်ညှင်းချဉ်ရည်ဟင်း ကိုတော့ မုန့်ညှင်း
အခါးကို မန်းကျီးသီးအမှည့်ဖြင့် ချဉ်ရည်ချက်သည်။
ပဲကြော် ကတော့ အမေ့ရွာမှ ထွက်သည့်
စွန်တာနီပဲပြုတ်ကို ကြက်သွန်ဖြူနှင့် ပြန်ကြော်
ထားသည်။ ထိုပဲပြုတ်က ကျွန်တော်တို့အိမ်၏
ဖေဘရိတ်ဖြစ်သည်။ အမေက ပဲမပါရင်
ထမင်း စားမဖြစ်ဟုပြောတတ်သည်။
နောက်ဆုံး မြင်းခွာရွက်သုပ်ကတော့
ကျွန်တော့်လက်ရာဖြစ်သည်။ မြင်းခွါရွက်
သုပ်တွင် ထည့်ရန် ပဲကြော်စုံကို ဆုံ၌
မညက်တညက်ထောင်းသည်။ အမေနှင့်
စနေသား အကိုက သွားမကောင်းပါ။
ကြက်သွန်နီ၊ ကြက်သွန်ဖြူ၊ ငရုပ်သီးစိမ်း
နှစ်တောင့်၊ ပဲမှုန့်နှင့် သုပ်ပါသည်။
ငံပြာရည်ချက်နှင့် အတို့အမြုပ်ကိုတော့
မဖော်ပြတော့ပါ။ ထမင်းစားလို့ကောင်းပါသည်။
@htwegyi
28-11-2021