ခေသူလား မခေသူတွေလား။

img_0.7621092795142147.jpg

ရေးစရာက စဉ်းစားမရတော့ တူမ၏
ကျောင်းသားများအကြောင်း ရေးရအုံးမည်။
တူမစာသင်သည့် ကိုပိုင် အထက်တန်းကျောင်းက
ကလေးများအကြောင်းဖြစ်သည်။ ကလေးများ
ဆိုပေသိ လူကြီးထက်ပင် လည်လည်ပတ်ပတ်
ရှိကြသည်။ ထိုကလေးများမှ နှစ်တန်းကျောင်း
သားများက ပိုသိ ပိုတတ် ပိုလည်ကြသည်။

အဆိုပါ နှစ်တန်းကျောင်းသား ပုဂ္ဂိုလ်လေးများ
အကြောင်းရေးသားရပါအုံးမည်။ အနှီး
ပုဂ္ဂိုလ်များက ခေသူများ မဟုတ်ကြပေ။
အင်္ဂလိပ်စကားပြောများ တတ်ထားသင်ထားကြ၍
ဘွတ်ဘတ် ရွှတ်ရှက် ပြောဆိုနိုင်ကြသည်။
တော်ယုံဆရာမကို ဆရာကြီးအထာ လုပ်နိုင်
ကြသည်။

သူရို့တွင် အင်္ဂလိပ်အမည်များရှိကြသည်။
သူရို့အင်္ဂလိပ်အမည်များကို ခေါ်ရာတွင် အသံ
ထွက်ပီသမှာ သဘောကျသည်။ ငပိသံနှင့်ခေါ်ပါက
အနှီးပုဂ္ဂိုလ် လေးများက သဘောမကျပေ။

"တီချယ်ရယ် သမီးနာမည်ကို ပီပီသသ
မခေါ်ချင်လည်း မြန်မာနာမည်သာ ခေါ်လိုက်
ပါတော့"

img_0.95369000248214

အမယ်မင်း အဲ့သလိုများတောင် သူရို့ တီချယ်များကို
ပညာသားပါပါ ပြောတတ်ကြပါပေသည်။
သို့ကမို့ကြောင့် အနှီးပုဂ္ဂိုလ်များက ခေသူများ
မဟုတ်ကြပါပေ။ အဆိုပါ နှစ်တန်းကျောင်းသား
သကောင့်သားတို့ ဆော့ပုံဆော့နည်းကိုလည်း
ကြည့်ကြပါအုံး။

"ဖျောင်း"

"ဖြန်း ဖြန်း"

img_0.021103130341227058

"ဟဲ့ ဟဲ့ ဘာလို့ တယောက်ပါး ကို ‌တယောက်
ရိုက်နေကြတာလဲ ဒီကလေးတွေနဲ့ ခက်တော့
တာပဲ"

"ဟာ တီချယ် သားတို့ ရန်ဖြစ်နေတာ မဟုတ်ဘူး။
ဒါက ဆော့နေကြတာပါ"

" အမလေး နင်တို့ဆော့တာကလဲ ဂျပန် သေလို့
ဝင်စားသလား အောင်းမေ့ရတယ်။ အဲ့သလိုတော့
မဆော့ကြပါနဲ့ အခြားပုံစံနဲ့ ဆော့ကြပါကွယ်"

"ဟုတ်ပြီ"

သကောင့်သားများက အင်္ဂလိပ်စကား
ပြောနေကြဖြစ်၍ မြန်မာစကားကို ရေလည်
ပတ်လည် မပြောတတ်ကြတော့ပေ။
ဆရာမ၏ ပြောစကားကို "ဟုတ်ကဲ့ပါ "
ဟု ပြောရမည့်အစား "ဟုတ်ပြီ" ဟုသာ
ပြောနိုင်ကြပေတော့သည်။ အင်း
"ကောင်းသလား၊ ဆိုမှာလား
ကိုယ်ကိုတိုင်လည်း ခွဲခြားမရတော့ဘူး"
သီချင်းစာသားလို ဆိုရမလို ဖြစ်‌နေပါရောလား။
ဘယ်လိုများတောင် ပြောရပါ့။

@htwegyi
27-6-2022

H2
H3
H4
3 columns
2 columns
1 column
6 Comments