မင်္ဂလာပါ ။
တနေ့က မနက်ခင်း တစ်ခုမှာ လယ်ကွင်းတွေဘက် ရောက်ဖြစ်တော့ ကောက်စိုက်သမတွေ စပါး စိုက်နေကြတာ မြင်တွေ့ခဲ့ရပါတယ်။
မိုးလယ် ရောက်နေပေမယ့် ရေအခြေအနေ အရ စိုက်ကြပျိုးကြရတာပါပဲ။
မိုးစပါး ဆိုပေမယ့် တစ်နေရာနှင့် တစ်နေရာ စိုက်ချိန်ပျိုးချိန် မတူကြပါဘူး။
ဒီနှစ် စပါးဈေး ဆန်ဈေး က ရှယ် တတ်နေပါတယ်။
မနှစ်က ဧရာမင်းဆန် အဟောင်း တစ်အိတ် 45000 ကျပ် က ခု 65000 ကျပ် ဖြစ်နေပြီ။
ရွှေဘိုပေါ်ဆန်း က တစ်အိတ် တစ်သိန်း ဝန်းကျင်ထိ ဈေးပေါက်နေပါတယ်။
စပါးစိုက်နိုင်သူတွေ အတွက် ဆန်ဈေး တတ်တာ ပြဿနာ မဟုတ်ပေမယ့် စပါး မစိုက်နိုင်သူတွေ အတွက်တော့ တကယ့် ပြဿနာကြီးပါ။
ဆန်ဈေး တင်ပဲလား မဟုတ်။
မနှစ်က မြေပဲဆီ ဈေးအမြင့်ဆုံး တစ်ပိဿာ 8000 ကျပ်က ခုတော့ 13000 ကျပ် ဈေးရောက်နေပြီ။
မြန်မာငွေ ဈေး ကျဆင်းမှုကြောင့် ကုန်ဈေးနှုန်းတွေ အဆမတန် မြင့်တတ်နေပေမယ့် အလုပ်အကိုင် ကောင်းကောင်းမွန်မွန် မလုပ်ကိုင်နိုင်မှု နှင့် လုပ်ခ ဝင်ငွေ တိုးတတ်မလာမှုက အခြေခံ ပြည်သူတွေကို ဆင်းရဲတွင်းထဲ ဆွဲချနေပါတော့တယ်။
အင်း စပါးစိုက်နေကြတဲ့ သဘာဝရှုခင်း ကြည့်ရင်း စိတ်အပန်းပြေရမည့် အစား ကုန်ဈေးနှုန်း နှင့် ပြည်သူတွေ အခြေအနေ တွေးမိပြန်တော့ ရင်မအေးရပါဘူးဗျာ။