မင်္ဂလာပါ
မိုးယံခါဝယ် ယာကွင်းတွေမှာ စိမ်းစိုနေသော သီးနှံပင်တွေ လန်းဆန်းကြေသလို မစိုက်ပျိုးရသေးတဲ့ လယ်ကွင်းတွေမှာတော့ ရေတွေ ဖွေးနေတတ်ပါတယ်။
စိမ်းစိုနေသော ယာကွက်တွေမှာတော့ နှမ်း နှင့် ပြောင်း စိုက်ပျိုးထားကြတာပါ။
ရေတွေ ဖွေးနေတဲ့ လယ်ကွက်တွေမှာတော့ စပါး စိုက်ပျိုးကြမှာပါ။
အချို့သော မြေကွက်တွေမှာတော့ ဆူးခြုံပင်တွေ စိမ်းလန်းနေတာ တွေ့မြင်ရမှာပါ။
ကျွန်တော် နေထိုင်ရာဒေသ၏ မိုးရာသီမြင်ကွင်းလေးတွေ ဖော်ပြလိုက်တာပါ။
ဒီဒေသမှာ ကျက်စားကြတဲ့ ငှက်တွေ ကတော့ စာ၊ ဗျိုင်း၊ ကျီး၊ ခို၊ ဆက်ရက်၊ ဂျိုးငှက်တွေပါ။
လယ်ကွင်းတွေဘက်မှာတော့ များသောအားဖြင့် ဗျိုင်းဖြူတွေကို တွေ့မြင်ရပါတယ်။
ထွန်ယက်ထားသော လယ်ကွက်တွေမှာ ငှက်တွေ အတွက် အစာ ပေါများသည် ထင်ပါတယ်။
ဗျိုင်းတွေ အစာရှာနေကြတာကို မြင်ရလေ့ရှိပါတယ်။
သီးနှံတွေ မစိုက်ရသေးတဲ့ မြေလွတ်နေရာများမှာတော့ နွားတွေကို တွေ့မြင်ရပါတယ်။
နွားမွေးမြူထားသော တောင်သူတွေဟာ နွားစာမြက်ပေါသော မြေနေရာတွေမှာ နွားတွေကို စားကျက်ချထားကြပါတယ်။
ဒါတွေကတော့ ဒီဒေသ၏ တောဓလေ့ သဘာဝမြင်ကွင်းတွေ အကြောင်းပါပဲ။
သင်တို့ ဒေသမှာ အဘယ်သို့ ရှိကြပါသလဲ။
ရွှေအနာဂတ်ပိုင်ရှင်