မင်္ဂလာပါ။
ဒီနေ့တော့ ကျွန်တော် အလုပ်လုပ်ရာ ဆေးခန်းရှိ ဘုရားဆောင်လေးမှာ ဘုရားပန်းကပ်တဲ့ ဘုရားပန်း ပုံလေးတွေကို ဖော်ပြပါရစေ။
ဗုဒ္ဓဘာသာဝင် တစ်ယောက် အနေဖြင့် ယဉ်ကျေးမှု ရိုးရာ ထားရှိသော ဘုရားပုံတော် နှင့် ဘုရားဆောင်လေးမှာ ဘုရားပန်း နှင့် ပုတီးတွေ အမြဲ ရှိနေတတ်ပါတယ်။
ဒီနေ့အတွက်တော့ နှင်းဆီပန်းလေးတွေ ပေါ့။
နှင်းဆီတွေ က အနီလည်း မဟုတ်၊ အဝါလည်း မဟုတ်။
လိမ္မော်ရောင် လို့ ပြောရမလား။
ပန်းဆီရောင် လား၊ ကြေးနီရောင်လား။
တမူထူးခြားတဲ့ နှင်းဆီပန်းရောင် ပါပဲ။
သူ့အလှနှင့်သူ လှနေတော့လည်း ဘုရားပန်း ဝယ်ကပ်လိုက်တာပါ။
ဘာဆုရချင်လဲဆို မြန်မာနိုင်ငံသားတွေ အာဏာရှင်လက်အောက်က လွတ်မြောက်လို့ ငြိမ်းချမ်းသာယာ ရှိနေကြစေချင်တာပါပဲ။
တကယ်က ဆုတောင်းနေမယ့်အစား ကိုယ်လုပ်နိုင်ရာ၊ ကိုယ်စွမ်းနိုင်ရာဖြင့် အာဏာရှင်ကို တော်လှန် အောင်ပွဲခံကြရမှာပါ။။
ဪ ဘုရားပန်းကပ်လှူ ဘဝင်အေးစေယူရမှာကို နိုင်ငံအရေး တွေးမြော်မိတော့ ရင်လေးနေရတာပါပဲ။
မိတ်ဆွေများ ကျန်းမာ ချမ်းသာ ပျော်ရွှင်ကြပါစေ။