မသိဘူး ကမယ်

အခုတလော TikTok lite အနည်းငယ် hot နေ၏။ တလောက YouTube ကြည့်နေရင်းက TikTok ပိုက်ဆံရတဲ့ အကောင့် လျှောက်နည်း ‌ဆိုတာကို တွေ့လို့ ဝင်ကြည့်မိ၏။ ရှင်းပြသူက အသေးစိတ်ကို ပြောပြထား၏။ လိုတိုရှင်းလေး။ ကိုယ်က အရင် ကတည်းက TikTok မသုံးသူ ဆိုတော့ ဒီအတိုင်း Knowledge အနေနဲ့ပဲ ကြည့်ဖြစ်၊ မှတ်ဖြစ်ခဲ့၏။ TikTok account တော့ ဖွင့်ဖို့ မရှိသေးပေမယ့် Japan region outlook mail ဖွင့်ထားလိုက်၏။ မခက်ပါဘူး VPN ကို Japan region နဲ့ ပြောင်းပြီး ဖွင့်ရုံပဲ။

gmail.com နေရာမှာ outlook.com ပဲ ဖြစ်သွားတာပါ။ Mail ချင်း အတူတူပဲ။ Google mail နဲ့ Microsoft mail ဆိုပြီးပဲ ကွာသွားတာ။ ဒီရက်ပိုင်းမှာ TikTok lite နဲ့ ပတ်သက်တဲ့ video တွေ တွေ့လာရပြန်၏။ TikTok ကြည့်ပြီး ဂျပန်ယန်းငွေ ရနိုင်သည့် အကြောင်းပေါ့။ video တွေ ကြည့်ရာကနေ points တွေရမယ်။ အဲ့ points တွေကို ယန်းအဖြစ် ပြောင်းပြီး ထုတ်လို့ရမည် ဖြစ်၏။ စိတ်ဝင်စားဖို့တော့ ကောင်း၏။ ထုံးစံအတိုင်း Japan region ဖြစ်မှတော့ ရ၏။ မဟုတ်ရင်လည်း VPN ကျော်ပေါ့။

Video တွေ လိုက်ကြည့်ဖို့ အချိန် မပေးနိုင်ပေမယ့် TikTok account တော့ ရှိထားသင့်နေပြီလို့ ခံစားမိ၏။ သို့နှင့် မထူးပါဘူး ဆိုပြီး TikTok account ဖွင့်ထားလိုက်၏။ ဘာလုပ် ရမယ်တော့ မသိသေးပေ။ ဒါပေမယ့် အကောင့် ရှိထားရင်တော့ ကောင်းသည် မဟုတ်လား။ TikTok အကြောင်းတွေလည်း လေ့လာ ဖြစ်သွားတာပေါ့လေ။

TikTok account ရသွား ပေမယ့်။ TikTok lite တော့ Down လို့ မရသေးပေ။ Play store Gmail က Japan မဖြစ်နေပေ။ Clear data လုပ်ပြီး VPN နဲ့ ဖွင့် ပေမယ့်လည်း မရနေပေ။ ပြဿနာတော့ မရှိပေ။ လောလောဆယ် TikTok lite လည်း သုံးဦးမှာမှ မဟုတ်သေးဘဲကိုး။ အက သွားသင်ထားဦးမှပါလေ။