အားလုံးသော မိတ်ဆွေအပေါင်း မင်္ဂလာပါ.....
စာရေးဖို့စဉ်းစားတိုင်း ခေါင်းကုတ်ရလွန်းလို့ ဆံပင်တွေလည်းမရှိတော့ဘူး 😁 ဒီနေ့တော့ စိတ်ကူးပေါက်ပြီးတော့ ရေးချင်မိတာက ယဉ်ကျေးမှုဆိုတဲ့အရာပဲဖြစ်ပါတယ်။ အများကြီးတော့မရေးနိုင်ပါဘူး။ ထင်မြင်ယူဆချက်သာဖြစ်လို့ မှားချင်လည်းမှားပါလိမ့်မယ်။ မှားနေရင်လည်း ပြုပြင်ပေးကြပါ။ အငြင်းအခုံလုပ်ချင်တဲ့စိတ်မရှိပါဘူး။ မှားနေရင်လည်း ပြုပြင်ဖို့ဝန်မလေးပါဘူး။ ဒီတော့ ကွန်မန့်လေးတွေတော့ အားပေးသွားကြပါအုံး။
ကမ္ဘာပေါ်မှာရှိတဲ့ နိုင်ငံအသီးသီး လူမျိုးအသီးသီးတို့မှာ ကိုယ်ပိုင်ယဉ်ကျေးမှုဆိုတာတွေနဲ့ ရပ်တည်နေခဲ့ကြတာ လူတိုင်းနားလည်ထားကြမှာပါ။ ယဉ်ကျေးမှုဆိုတာက ဘာသာစကား၊ ဝတ်စားဆင်ယင်မှု၊ ကိုးကွယ်ယုံကြည်မှု၊ ကိုယ်နှုတ် အမူအရာ၊ အနုပညာရပ်များဖြစ်တဲ့ အဆို အက အရေး အတီး စသည်များ၊ လက်မှုအတတ်ပညာများ၊ ဓလေ့ထုံးတမ်းအစဉ်လာများ အားလုံးစုပေါင်းပါဝင်နေတယ်လို့ မှတ်သားခဲ့ရဖူးပါတယ်။အခြားနိုင်ငံများက သူတို့ရဲ့ ယဉ်ကျေးမှုကို ဖော်ထုတ်ပြသကြတာကိုလည်း ရုပ်ရှင် ဗီဒီယိုတွေထဲမှာ ကြည့်ဖူးပါတယ်။
ယဉ်ကျေးမှုဆိုတဲ့နေရာမှာ စိတ်ပိုင်းဆိုင်ရာ ယဉ်ကျေးမှု နဲ့ ကိုယ်နှုတ်အမူအရာယဉ်ကျေးမှုလို့ ခွဲခြားနိုင်ပါလိမ့်မယ်။ ကိုးကွယ်ယုံကြည်မှု၊ ရိုးရာ ဓလေ့ထုံးတမ်းအစဉ်အလာများ၊ ဘာသာစကား စတဲ့ အကောင်အထည်မမြင်ရတာတွေပါဝင်နေမှာပါ။ ကိုယ်အမူအရာဆိုတာကတော့ ထင်သာ မြင်သာရှိတဲ့ ယဉ်ကျေးမှုဖြစ်တဲ့အတွက် အထွေအထူး ရေးပြစရာ လိုမယ် မထင်ပါဘူး။ ယနေ့ခေတ်ကာလသားသမီးများမှာ အထက်ပါ ယဉ်ကျေးမှုနှစ်မျိုးစလုံးမှာ အားနည်းလာတာကို ဝမ်းနည်းဖွယ် တွေ့မြင်ရပါတယ်။
ကိုယ်ပိုင် ယဉ်ကျေးမှုတို့ကလည်း အနောက်တိုင်းယဉ်ကျေးမှုများရဲ့ ဆွဲဆောင်မှုကြောင့် လုံးပါး ပါးလာပါပြီ။ ကိုယ်တတ်စွမ်းသလောက် ထိန်းသိမ်းနိုင်အောင် ကြိုးစားခဲ့ပေမယ့် လွယ်ကူတဲ့ ကိစ္စမဟုတ်ပါဘူး။ မြန်မာ့ယဉ်ကျေးမှုလို့ပြောရင်တောင် မယုံကြည်နိုင်တဲ့ နိုင်ငံခြားသားတွေ အများအပြားမြင်ရတာ စိတ်မကောင်းစရာပဲ။ ကိုယ့်ယဉ်ကျေးမှုကို ကိုယ်တိုင်ကမှ တလေးတစား ဂုဏ်ယူ ဖော်ထုတ်ချင်တဲ့သူတွေမရှိသလောက်ဖြစ်နေခဲ့တာ အသေအချာပါပဲ။ မြန်မာ့ယဉ်ကျေးမှုအများစုက ထိုင်းနိုင်ငံပိုင်လို့ နိုင်ငံခြားသားများက ယူဆနေကြတာ ဝမ်းနည်းဖွယ်ရာပါပဲ။
မကြာခင်ရက်ပိုင်းက ရှမ်းပြည်နယ်တောင်ပိုင်း အင်းလေးကန် ဓာတ်ပုံအချို့ကို တင်တဲ့အခါ တရုတ်နိုင်ငံ ရှမ်းတောင်တန်းလို့ဖော်ပြလာတဲ့အတွက် မြန်မာနိုင်ငံ ရှမ်းပြည်နယ်ပါလို့ အတော်လေးပြောယူခဲ့ရပါတယ်။ မြန်မာကို နိုင်ငံအများစုက မသိကြတာ ဘာ့ကြောင့်ပါလဲလို့ တွေးနေမိပါတယ်။ အဖြေကတော့ ဝါးတားတားပါပဲ။ စည်ကမ်းပိုင်း စိတ်ဓာတ်ရေးရာပိုင်းတွေမှာ အခြားနိုင်က ဆယ်နှစ်ကလေးလောက်မှမကောင်းနိုင်ရင် တိုးတက်ဖို့ မလွယ်ကူတာသေချာနေပါပြီ။ ရေးချင်တာတွေတော့ ရေးပြီးပြီ။ ငြင်းချင်တာ ငြင်းကြပေတော့။
သတ္တဝါအားလုံးတို့သည် မိမိပြုသော ကောင်းမှု မကောင်းမှုသည်သာ ကိုယ်ပိုင်ဥစ္စာ ရှိကြကုန်၏။
အားလုံးကို လေးစားလျှက် -