မင်္ဂလာပါ မိတ်ဆွေတို့ရေ
ဆောင်းရာသီ ဆိုတော့ကာ နွေပဲပင်လေးများ ပွင့်ဝေလာကြပါပြီ။
ဆောင်းမှာ ပွင့်တာ ဆောင်းပဲ ခေါ်သင့်ဘူးလားနော်။
သို့ပေမယ့် ဒီပဲပင်လေးတွေက ဆောင်းလယ်လောက်မှာ စပွင့်ပြီး နွေရာသီ မှာ အသီးတွေ လှိုင်လှိုင် သီးကြပါတယ်။
ဆောင်းအကုန် နွေအကူးမှာ နွေပဲသီးလေးတွေ ချက်စားရပြီပေါ့ဗျာ။
နွေပန်းပွင့်လေးတွေ လှတယ် မဟုတ်လားဗျ။
ဒီနွေပန်းပွင့်လေးတွေကို အိမ်တစ်အိမ် ရောက်စဉ်က မြင်တွေ့ခဲ့ရတာပါ။ ကျွန်တော်လည်း အမြင် လှတာနဲ့ ဖုန်းလေး ထုတ်ကာ ပုံရိုက်ယူခဲ့လိုက်တာပေါ့။
နွေပန်းပွင့်လေးတွေက အလှတရား ခံစားဖို့တော့ မဟုတ်ပါဘူး။
နွေပဲသီးလေးတွေ ချက်စားဖို့ အသီးသီးပေးဖို့ပါပဲ။
ကျွန်တော်ကတော့ နွေပဲသီး နှင့် ကြွက်သား ရောချက်စားရင်
သိပ်ကြိုက်တယ်ဗျ။ အင်း ။ ပြောသာ ပြောရတာပါလေ။
နွေပဲသီးကြွက်သားချက် မစားရတာ အတော်ကြာနေပါပြီ။
မွေးရပ်မြေ မိဘအိမ်မှာဆို သေချာပေါက် စားရပါတယ်။
ခု ကိုယ်နေတဲ့ အရပ်က ကြွက်သား ရဖို့ မလွယ်ကူဖူးကိုးဗျ။
အဲ ပြောရင်းနဲ့ သွားရည်ကျလာပြီ။ တော်ပြီဗျာ။
မိတ်ဆွေ အားလုံး ပြုံးပျော်နိုင်ကြပါစေ။