ရုရှားတင်းနစ်မယ် ကူဇ်နပ်ဆိုဗာက သူမအနေနဲ့ တင်းနစ်ပြိုင်ပွဲတွေဆီ အချိန်တိုအတွင်း ပြန်လည် ပါဝင်ယှဉ်ပြိုင်ခဲ့တာ ကိုနောင်တရမိကြောင်း Indian Wells ပြိုင်ပွဲအပြီးပြောကြားခဲ့ပါတယ်။
ယူအက်စ်အိုးပင်းပြိုင်ပွဲနဲ့ ပြင်သစ်အိုးပင်းပြိုင်ပွဲတွေမှာ ဗိုလ်စွဲခဲ့ဘူးတဲ့ ကူဇ်နပ်ဆိုဗာဟာ ပြီးခဲ့တဲ့ BNP Paribas Open ပြိုင်ပွဲမှာ ဆာဘာလန်ကာ ကို ၆-၄ ၊ ၆-၃ နဲ့ ရှုံးနိမ့်ကာ ထွက်ခွာခဲ့ရတာဖြစ်ပါတယ်။ အဆိုပါပြိုင်ပွဲဟာ ကူဇ်နပ်ဆိုဗာအတွက် အောက်တိုဘာလနောက်ပိုင်း ပထမဆုံး ပြန်လည်ပါဝင်ကစားခဲ့တဲ့ပြိုင်ပွဲလည်းဖြစ်ပါတယ်။ သူမဟာ လက်ကောက်ဝတ်ဒဏ်ရာ ခွဲစိတ်ကုသမှုကြောင့် ဆောင်းရာသီတစ်လျှောက်လုံး အနားယူခဲ့ ရကာ လက်ရှိချိန်ထိလည်း နာကျင်နေဆဲဖြစ်ပါတယ်။ ဆရာဝန်တွေက သူမကို ပြိုင်ပွဲတွေ ပါဝင်ယှဉ်ပြိုင်ခြင်းမပြုဖို့ အကြံပေးခဲ့ပေမယ့်လည်း သူမကဘက်မှငြင်းပယ်ခဲ့တာဖြစ်ပါတယ်။ “ ကျွန်မလက်ကောက်ဝတ်က နာနေတုန်းပါ။ ဆရာဝန်ကတော့ ပျောက်သွားမှာလို့ ပြောပါတယ်။ ဒါပေမယ့် ပျောက်တယ်လို့ပြောပြီး အိမ်ပြန်သွားတာက လွယ်ပါတယ်။ ဒါပေမယ့် ကျွန်မက လွယ်ကူ တဲ့အရာတွေကို မစဉ်းစားပါဘူး။ ”လို့ ကူဇ်နပ်ဆိုဗာက Sport 360 ကိုပြောပါတယ်။ သောကြာနေ့ကကစားခဲ့တဲ့ အဆိုပါပြိုင်ပွဲမှာ ကူဇ်နပ်ဆိုဗာသာမကဘဲ ကမ္ဘာ့အဆင့်(၁၁) ဂျိုဟာနာ ကွန်တာဟာလည်း အသက်(၁၈)နှစ်သာရှိသေးတဲ့ ချက်တင်းနစ်မယ် ဗိုဒရိုဆိုဗာကို ၇-၆ ၊ ၆-၄ နဲ့ ရှုံးနိမ့်ကာ ပြိုင်ပွဲမှ ထွက်ခွာခဲ့ရပါတယ်။ ဒါ့အပြင် နိုင်ခြေ အဆင့်(၁၆) သတ်မှတ်ခံထားရတဲ့ အက်ရှလိတ်ဘာတီဟာလည်း ဂရိတင်းနစ်မယ် မာရီယာဆာကာရီကို ၆-၄ ၊ ၆-၂ နဲ့ ရှုံးနိမ့်ခဲ့ပါတယ်။ ကမ္ဘာ့အဆင့်(၁) ဆီမွန်နာဟေးလပ်ကတော့ လစ်စကိုဗာကို ၆-၄ ၊ ၆-၄ နဲ့ အနိုင်ရရှိခဲ့ပါတယ်။ အခြားသောပွဲစဉ်မှာတော့ ပီထရာကီတိုဗာ ဟာ ယူလီယာပူတင်ဆီဗာ ကို ၆-၇ ၊ ၇-၆ ၊ ၆-၄ နဲ့ အနိုင်ရရှိခဲ့ပါတယ်။
