"Gapos"
mayroong hinahanap pero di makita.
Isang mahalaga at malalim na salita,
binitiwan at ngayon'y nawala...
Matang naghahanap ng liwanag sa dilim,
nakita ang pusong naiwan sa takip-silim.
Langit na nababalutan ng kulimlim,
di magtatagal ito'y tuluyang magdidilim.
Mga pakpak na nais lumipad ng malaya,
damdamin na nangangarap ng ligaya,
mga paang gustong tumakbo sa tuwa
di magawa dahil nakagapos pa...
Kailan mapuputol ang lubid ng nakaraan?
Kailan babangon ang pangarap na nasagasaan?
Masdan ang malawak na kalawakan;
tumayo at mabuhay para sa kasalukuyan!
—
