Ang kini nga artikulo kay mabasa usab sa pinulongang Ingles/English ug Tagalog.
Pwede na nimo mapalit karon ang crypto sa BlockTrades gamit ang duha sa labing sikat nga USD Tether coins, USDT_OMNI ug USDT_ERC20. Ang USDT_OMNI usa ka sensilyo nga nakabase sa omni ug naglihok sa ibabaw sa network sa Bitcoin. Ang USDT_ERC20 usa ka token nga nakabase sa ethereum (usa ka token nga ERC-20)
Unsa diay ang USD Tether (USDT)?
Ang USD Tether usa ka lig-on nga sensilyo diin ang kantidad niini nalambigit sa US dolyar pinaagi sa suporta sa companya nga Tether Limited. Ang CEO sa Tether Ltd mao usab ang CEO sa BitFinex ug ang BitFinex usa sa mga nag-unang bayloanan kong asa ang USDT ginabaligya. Maong kanunay ka makapangita ug mga artikulo nga naghisgot sa BitFinex ingon man ang Tether Ltd kung hisgutan ang USDT.
Mga kontrobersiya sa USDT, Tether Ltd, ug BitFinex
Sulod sa mga katuigan, adunay daghang mga kontrobersya nga naglibot sa Tether. Kadaghanan niining mga kontrobersiya naglangkob sa angkon nga ang kantidad sa USDT sa sirkulasyon mas taas pa kaysa sa kantidad sa liquid assets nga gisuporta sa Tether Ltd. kanila, ug usa sa kauban nga angkon nagaingon nga kining wala masuportahan nga USDT gigamit sa pagmainobra sa merkado sa cryptocurrency aron pataason ang presyo sa bitcoin.
Ang labing nailhan sa maong mga angkon mao ang usa ka kaso nga gisang-at sa opisina sa Abugado sa New York. Bisan pa, angay nga taagan ug pagtagad nga sa kaso sa NY AG, mipatim-aw nga ang kantidad nga ilang giangkon nga wala masuportahan kay resulta sa pundo nga gikuptan sa nagkalain laing gobyerno (labi na, ang gobyerno sa US). Mao nga, kutob sa akong nasabtan sa kaso (hinumdomi, gibasa ko lang ang mga artikulo sa publiko bahin niini), ang NYAG nagsumite ug kaso batok sa Tether tungod kay dili hingpit ang suporta niini sa sensilyo sa USDT, ug usa sa mga hinungdan nga dili hingpit nga gisuportahan ang mga sensilyo tungod kay ang pipila nga mga pondo temporaryo nga gikuptan mismo sa gobyerno sa US. Para nako, medyo katingad-an gyud. Dili kini klaro sa ako kung ang mga pondo temporaryo nga gikuptan o permanente nang gisikop sa gobyerno, kini naghatag ug katingala kon tungod temporaryo nga gikuptan sa gobyerno, dili na sila mukonsiderar nga ibalik kining maong obligasyon.
Aduna gani bag.ong susamang artikulo sa coindesk karon bahin sa bag-ong pribadong class-action nga kaso gilansad batok sa Tether and Bitfinex: https://cointelegraph.com/news/how-severe-is-roche-freedmans-lawsuit-against-tether-and-bitfinex. Oo, makakurat nga balita, adunay daghang mga abogado diha nga malipayon nga musang-at ug mga class-action nga kaso aron mapauswag ang ilang kaugalingon nga bulsa, labi na kung gamay ra ang mawala kanila gawas sa ilang oras. Tympa, akong pasabut aron matabangan ang "gagmay'ng tawo" pinaagi sa paghatag sa ilang bililhon nga oras alang sa gamay nga higayon aron sa umaabot mabalik ang ilang oras nga gipamuhunan (hinaot kini nga linya aprubado sa mga abogado).
Sa laing bahin, ang makuha nato nga punto sa taas adunay siguradong pipila ka peligro ang dugay nga terminong pagkupot sa USDT ingon nga ang kantidad niini gidumala pinaagi sa kalig-on sa katakos sa Tether Ltd. sa pagsuporta sa maong sensilyo uban sa fiat currency ug dapat nimo tingaling idumala ang imong gikuptan sa saktong paagi. Nahibal-an pud nako nga mahimong mapuslanon nga paagi ang pagkupot sa mga sensilyo nga adunay lig-on nga kantidad sa USD sa mubu nga termino, hilabi na kon nakig-atubang ka ug centralized exchanges, maong nakadesisyon kami nga idugang kini sa among lista sa gisuportahan nga mga sensilyo, bisan pa sa mga kontrobersiya nga may kalabutan sa Tether Ltd.
Usa ka gamay nga nota sa bayad sa transaksyon alang sa mga sensilyo
Ang USDT Tether mahimong ibalhin sa daghang mga blockchain. Mao nga adunay daghang mga klase sa sensilyo: USDT_Omni (kini nga mga sensilyo gipasa sa blockchain sa bitcoin), USDT_ERC20 (kini nga mga sensilyo gipasa sa ethereum blockchain, ug bisan ang USDT_TRON (gipasa sa Tron blockchain). Ang mga sensilyo sulod niing tulo ka mga blockchains gipaluyohan sa parehas nga kantidad, mao nga pwede silang isipon nga parehas ug bili.
Pero importante natong mahibaw-an nga ang bayad sa transaksyon lainlain sulod niini nga mga network. Pananglitan, ang usa ka transaksyon sa USDT_OMNI nagkantidad mga 2x sa regular nga transaksyon sa bitcoin (kini 2x tungod kay adunay dugang nga impormasyon nga gikinahanglan sa protocol sa OMNI nga sensilyo nga kinahanglang ilakip sa transaksyon sa bitcoin), maong mas mahal ug gasto ang magpadala ug USDT_OMNI kaysa sa USDT_ERC20.
All photos/contents from this post are obtained from @blocktrades-help / @blocktrades (also BlockTrades website) and is used with permission for translation purposes only.