Mən Jaləyəm.
Mən anayam. 12 yaşlı ağıllı və şirin qızın anası.
Mən qadınam. Özünə hörmət etməyi bacaran qadın.
Mən insanam. Həyatda öz önəmimi hiss edən insan.
Mən vətəndaşam. Hüquqlarını bilən və tələb edən, eyni zamanda vəzifələrimi də icra edən vətəndaş.
Mən xoşbəxtəm. Sizin də olmağınızı diləyirəm.
Mən oxucuyam. Həm də zövqlü oxucu.
Mən kitabları çox sevirəm. Bu sevgi məni ömrüm boyunca təqib edib. Bəlkə də bu sevgi olmasayda indi bu sətirləri yazmazdım. Hər kitabın qəhrəmanı ilə az da olsa yaşamışam. Ən azı kitab bitənə kimi. Bəzən qəhrəmanın xarakterində nə dərəcədə mən varam deyə müqayisə də etmişəm. Bəzən isə qəhrəmanın o an üçün etdiyi hərəkəti bəyənməyib ürəyimdə mən necə edərdim sualını da vermişəm.
Müdriklərdən biri deyib ki, insan nə üçün dünyaya gəldiyini bilmədən ölməməlidir. Bu sualın cavabı isə hələ də axtarışdadır.
Bizim yaşadığımız cəmiyyətdə kitaba pul qədər dəyər verilmir. Amma kitabın dəyərini anlayanın necə zəngin olduğunu da yalnız biz bilirik. Əgər siz bu yazını oxuyursunuzsa o zaman bizim artıq biz ortaq cəhətimiz var. Kitab sevgisi.
